Родителите се криви што не го вакцинирале и детето ќе ги сноси последиците од нивната неодговорност и квазизнаења. За тоа родителите мора да бидат свесни кога го донесуваат нивниот избор и не смее да се дозволи изборот на еден родител да ги загрози животите на n-други деца.
Имунитетот на „стадото“ (или општеството, нели) се базира врз тоа дека НЕМА невакцинирани луѓе и поради тоа НЕ се шират болестите, а апелира на свеста на луѓето (која очигледно се' повеќе недостига) за живот во заедништво. Земајќи предвид дека овој тренд на сатанизирање на вакцините зема замав, постои реален ризик да се разниша имунитетот на стадото од кој зависат и луѓето кои од различни причини не смеат да се вакцинираат (имунолошки компромитираните луѓе).
Јас би сметала за разумно да има избор да не се вакцинираат децата исклучиво во случај кога тие заедно со родителите би живееле на некој изолиран остров или некаде на планина каде што не би имале апсолутно никаков контакт со други лица кои непотребно би ги изложувале на ризик од едноставно превентабилни болести.
Еве еден сликовит пример за полесно да разбереш кого штити имунитетот на стадото и зошто е битен и кој се плаши од твоите невакцинирани деца
Научна студија која ги побива врските помеѓу вакцините и аутизмот. (Чисто да се разбереме, научна ≠ Слаѓана Велков, Јадранка Бибан, игланаздравјеневлегува-аБогаминимозок).
Студијата која ги поврзува вакцините со аутизмот е побиена и е докажано дека докторот кој ја спроведувал бил потплатен од адвокатите кои биле противници во трка по оштета од фармацевтската куќа која произведува вакцини (или не ви се читаат тие факти, а?)
Инаку, во однос на штетните материи во вакцините пак со еден сликовит пример
И на крај на краевите, сите кои мислите дека сте упатени во вакцинациите, едно прашање чисто про форма, дали сте поминале 6 години медицински факултет, уште 6 години специјализација и сте поминале минимум 5 до 10 години екстензивно истражување за да тврдите дека знаете повеќе од „лошите“ доктори кои си ги посветиле животите на таа цел и нивните истражувања поминале 10 различни инстанци пред да бидат потврдени и објавени? Не? Прочитавте на интернет? Гледавте видео на YouTube? Ооооо, срцки
За крај, да резимирам, исклучително многу ме радува фактот што конечно се презема нешто да се регулира ова лудило со вакцините. Целосно го поддржувам овој чекор и се надевам дека ќе се продолжи вака.