Епа ако си преку Близу, земи си уште еден ресивер. Или преку друг (Бум, МаксТВ). И гледај си на раат. И кај мене дома е истата ситуација, ако не и бетер, Volume до даска пуштено, цела фамилија гледа освен јас. Но до пред неколку месеци си имам посебен стан и не ме замараат. Си гледам што сакам.
Не гледам телевизија, не сум толку заинтересирана, за да би земала уште еден ресивер. Инаку на Макс Тв сум, среќа може да се снима, па одредени програми ги снимам и ги гледам навечер, на раат, кога ќе заспијат сите. А некогаш баба ми и мајка ми одат кај мене во соба, дека фаќа наши програми, а јас гледам нешто на кабловска. Ама тоа е многу ретко, затоа што и јас немам некоја желба искрено да гледам телевизија.
За серијава велат дека била многу интересна и со квалитетна продукција ама ќе видиме.
--- надополнето: 6 февруари 2012 во 13:27 ---
Discovery, Animal Planet, Nat Geo, Travel & Living, DaVinci Learning, Nature, History, Explorer.. има и документарци на ТВ бе
Не е поентата само на кабловски да има, треба и на македонските телевизии да има. Пренатрупани се со глупости и глупи серии, кои не донесуваат ништо паметно. А што ќе пуштиш, тоа ќе гледаат луѓето. Поразително е да мора да гледаш кабловска, додека нема ништо на македонските телевизии. Страшно е, тажно. Јас и можам да си симнувам документарци, ако сакам, не е тоа поентата. Проблемот е што македонските телевизии не се воопшто заинтересирани за промовирање на поинакви интелектуални вредности во општеството. Значи овој проблем оди малку подлабоко.
Како што реков, немам против серии, нека ги има. Баба ми од 93 години сигурно нема да се замара со документарци, и нејзе и треба разонода, но нека има баланс во програмата, нека има и нешто едукативно. Го гледам внук ми има 5 години, наместо да има за деца нешто паметно, он е опседнат со Долина на волците, а јас кога бев мала, растев со Бушава Азбука и Народни приказни, од кои имаше многу да се научи.
Сега ми ја сфаќаш поентата?