Колку само ми се смени мислењето за Панчев после ова СП. Европското пред две години не бев во можност да го следам на македонската телевизија, па ова ми беше прв пат да го слушам ова прекрасно дуо.
Претходно, за Даре имав мислење како за дигнат, преценет, препотентен тип, кој едноставно раскажува во прво лице еднина, мислев дека само се фали што тој постигнал, мислев дека нема смисла за хумор. Мислев дека е тоа личност која не знае да поднесе критика или шега на негова сметка.
Даре, легендо, извини за сите погрешни мислења кои сум ги имал за тебе. Кобрата Дарко Панчев, најдобриот македонски спортист за 20от век, бил сосема спротивна личност од сликата која сум ја имал јас.
Да не набројувам повторно, ама Даре бил личност кој поднесува критика и шега на своја сметка(за разлика од многу јавни личности во МК), тој е личност која има одлична смисла за хумор, знае да се шегува, не зборува само за тоа што тој освоил, не е фалбаџија и ниту случајно не е препотентен тип.
Златко Калински и Дарко Панчев, личности на годината во Македонија! (најдобар тандем после Чави-Иниеста)