Следува разврската.
Според мене како главни фаворити за освојување на медалите се Данска и Франција, а можеби како фаворити од сенка се јавуваат Германија, Норвешка, зошто да не е Хрватска.
Данците засега перфектни, но реално немаа некој сериозен тест пред себе, освен со Норвешка сите други утакмици им беа загревање, а доста загреани влегоа во тоа дерби со своите комшии.
Хансен сеуште е алфа и омега во репката, речиси е невозможно да се задржи лудакот, тука како бекап е Лауге кој има огромно искуство насобрано од претходни првенства.
Главен проблем како и секогаш за Данците е десната бековска позиција, доказ дека добри леваци се раритет во светот на ракомет, макар и за таква ракометна средина како Данска, да имаа добар левак ќе беа речиси перфектна репка, вака секогаш им фали тој последниот детал.
Гледајќи го резервниот ростер на бекови не делуваат којзнае колку страшно, можеби тоа ќе им недостига во тие клучни мечеви, ќе видиме, не може нон стоп да се потпираат на Хансен.
Сепак, домашен терен, не е мала работа, треба да стигнат макар до полуфинале.
Франција има на хартија најдобар ростер, покриени на сите позиции, но сеуште се бараат.
Сега со Карабатакот треба да ја добијат таа сигурност во напад, која им фалеше на минатите мечеви, пред се да наоѓаат решенија кога нападот е УКОЧЕН, а имаа проблеми, со Бразил, со Русија, со Германија, не е течен нападот.
Ќе видиме, реално се фаворити за највисок пласман, имаат најголемо иксуство од вакви мечеви, што може да е клучно за ваков систем на натпревари.
Хрватска како и секогаш се мои фаворити, искрено се надевам дека сезонава ќе дотуркаат далеку.
Да имаа еден лев бек, како Лацковиќ во убавите денови со овај ростер ќе беа страв и трепет, вака премногу зависат од тие индивидуалци техничари.
Но засега сето тоа функционира, на хартија ги имаат можеби најдобрите средни бекови во светот, дуел играчи кои не се склони на правење технички грешки, кои знаат да ја извдат екипата кога не оди, можеби и тоа ќе биде доволно, плус одбраната доста солидна, Шего одличен засега.
Се надевам дека ќе се пласираат во полуфинале.
Германија,
Иста приказна како и Данска, широк ростер, но им фалат бекови во ротацијата, посебно на лев бек, а и на среден не се баш најсајни, на пикер и крила се речиси перфектни и можеби најдобри на првенството.
Засега не прикажаа дека може да се носат со притисокот, посебно на мечот со Русија, со Франција за очекување беше таков резултат.
Ќе видиме како ќе се снајдат, фаворити се со Исланд и Шпанија, нема збор тука, можеби клучен меч ќе биде оној со Хрватска.
Шпанија,
Катастрофална игра прикажаа досега, како да ги фати зимски сон од мечот со Јапонија, а и со нас не блескаа, туку не победија со толкава разлика само заради тоа што ние паднавме тотално во второ и се откажавме од секаква борба.
Со ваква игра немаат што да бараат со Франција и Германија, ништо чудно и Бразил да ги попари.
Норвешка
Фаворити од сенка, страшна репка,
Многу балансиран тим, доколку ја подобрат одбраната можат многу да направат, нападот не е проблем, имаат играчи кои од секоја позиција може да погодат.
Би требало добро да се држат во втората фаза.
Од ДРУГИТЕ репки.
Бразил, Ислан и Унгарија се репки кои може да направат беља ( доколку ги потцени некој ) и би требало да се борат за пласман од 6-10 место.
Тунис и Египет се реално најслаби и самиот пласман во ова друштво за нив е голем успех.