ManUtdChampions
Lleyton Hewitt
- Член од
- 5 февруари 2009
- Мислења
- 32.410
- Поени од реакции
- 42.663
СП 2014 - 1/4 финале:
Аргентина - Белгија
05.07.2014 - 18:00
Национален стадион, Бразилија
Судија: Никола Рицоли (Италија)
Аргентина - Белгија
05.07.2014 - 18:00
Национален стадион, Бразилија
Судија: Никола Рицоли (Италија)
Тема за третото 1/4 финале на ова СП. Тука ќе се сретнат репрезентациите на Аргентина и Белгија. Еден Аргентински весник го опиша овој дуел како битка на Бог (алудирајќи на Меси) и Ангелот (Ди Марија) против ѓаволите - прекарот на репрезентацијата на Белгија. Ќе се игра од 13 часот па локално време, па можеби и временските услови ќе имаат улога на овој натпревар. Победникот од овој натпревар во 1/2 финале ќе се сретне со победникот од вечерашниот меч помеѓу Холандија и Костарика. Да одиме со една мини анализа на двата тима бидејќи и немаме многу време до почетокот на мечот.
Репрезентацијата на Аргентина беше во една од најлесните групи на ова СП заедно со Босна, Иран и Нигерија. Аргентинците беа апсолутни фаворити во оваа конкуренција и тоа го потврдија освојувајќи ги максималните 9 поени. Стартуваа со рутинска победа над Босна од 2-1, потоа имаа многу тежок напревар против Иран каде тепаа едвај, па би кажал и незаслужено. Иранците пружеа супер отпор се до последните моменти од натреварот, кога Лео Меси со одличен гол од дваесетина метри ја донесе победата на својата репрезентација. Во третото коло во еден интересен натпревар против Нигерија славеа со 3-2 и со тоа го загарантираа првото место во групата Ф. Во 1/8 финалето ги чекаше репрезентацијата на Швајцарија, која заврши втора во групата Е. Гледавме меч сличен како оној со Иран, но тука Швајцарците издржаа до крај. Мечот заврши 0-0 во регуларните 90 минути, па гледавме продолженија. Продолженијата поминаа во исто темпо и кога сите се спремавме за пенали Анхел ди Марија со гол во 118тата минута и донесе победа на репрезентацијата на Аргентина и ја однесе во 1/4 финалето.
Главен играч на Аргентина е несомнено Лео Меси. Фудбалерот на Барселона конечно си ја врати формата и е најдобар стрелец на неговата репрезентација со постигнати 4 голови (и една асистенција). Аргентинската јавност очекува Меси да продолжи по стапките на славниот Марадона и конечно да ја донесе титулата во Аргентина после 28 години.
Неколку факти:
- Аргентина последен пат го поминала 1/4 финалето на едно СП во 1990
- досега имаат доживеано 4 порази во 1/4 финалињата (1966, 1998, 2006 и 2010)
- Агуеро е надвор од овој натпревар поради повреда
Белгија исто така беше во релативно лесна група заедно со Алжир, Русија и Ј.Кореја. Исто како и Аргентина и Белгијците ја завршија групната фаза со 3 победи на трите натпревари. Прво го победија Ажир, откако губеа 0-1, па со головите на Фелаини и Мертенс успејаа да го свртат резултатот. Во второто коло Ориги со гол во 88мата минута од мечот им донесе победа од 1-0 во еден екстра досаден натпревар, за на крај како веќе сигурни 1/8 финалисти со својот втор тим и со играч помалку после црвениот на Дефур во 45та минута да ја победат и Јужна Кореја со минимални 0-1. Во 1/8 финалето играа со репрезентацијата на САД, која беше второпласирана во групата Г. Би кажал дека ова беше натпревар со 2 лица. Првото полувреме не беше ништо посебно, но како се приближувавме до крајот мечот стануваше со повозбудлив. Сепак ни едниот ни другиот тим не успеја да даде гол во 90та минути, па мечот отиде во продолженија. Тука на самиот старт влезе Лукаку и веднаш внесе додатна свежина во репрезентацијата на Белгија. Прво самиот се избори за одличен напад на Белгија и му асистираше на Де Брујн кој го отвори натпреварот, а неколку минути подоцна и се запиша во листата на стрелците за прв пат на ова СП зголемувајќи го водството на 2-0. До крај Американците постигнаа почесен погодок, но тоа не беше доволно за да го спречат пласманот на репрезентацијата на Белгија во 1/4 финалето.
На претходната тема спомнав дека повеќе очекувам од Хазард и Лукаку во нокаут фазата. Најискрено Хазард повторно не ми остави некој голем впечаток, но Лукаку дефинитивно изигра во далеку подобро светло и сметам дека ќе биде сигурен првотимец на овој натпревар. Баш од нив двајцата очекувам најмногу денеска и сметам дека се способни да и донесат победа на својата земја и пласман во 1/2 финалето.
Неколку факти:
- Вермален најверојатно нема да настапи на овој меч поради повреда на задната ложа
- Ова е прво 1/4 финале на Белгија после 1986, кога славеле против Шпанија на пенали
- Белгија има само еднаш настапувано во 1/2 финалињата, токму во 1986та и биле елиминирани баш од репрезентацијата на Аргентина
- Белгија оди по својата прва титула - Шампион на Светот