29.06/2014
18:00
Estadio Castelao, Fortaleza
1/8 финале СП
ХОЛАНДИЈА - МЕКСИКО
Холанѓаните овде се сосема заслужено, тие во групата Б беа во друштво на актуелниот шампион, Шпанија и репрезентациите на Чиле и Австралија. Од ова група се очекуваше Холандија и Шпанија да поминат во следната фаза на СП, но се случи големо изненадувањ и понатаму продолжија Холандија и Чиле. Во првиот дуел, Холанѓаните играа со шампионот Шпанија каде на Шпанците им се случи дебакл, беа поразени со високи 5:1. Холандија играше феноменално, ова како да беше еден вид реванш после финалето од 2010 во ЈАР. На тој дуел Шпанија заводе со 1:0 со голот на Алонсо во 27ма минута од пенал, а пеколот за Шпанците започна во 44та минута каде Ван Перси даде гол за изедначување, 1:1 беше резултатот и по првите 45 минути. Потоа, 53та Робен, 2:1 шок за Шпанците и после некои 10тина минута Де Вриј стрелаше за 3:1 и уште поголемо водство за Холандија. Кога во 72рата минута Ван Перси им нанесе шок на Шпанците, веќе победата на Холандија беше загарантирана. Но шлагот на тортата го постави кој друг ако не Арјен Робен во 80тата минута што и ги донесе конечните 5:1 за Холандија. Тоа беше старт каков што посакува можеби и секоја репрезентација, високи 5:1 врз актуелниот светски и европски шампион. Вториот дуел против Австралија. Холанѓаните беа апсолутни фаворити во овој двобој, но дуелот започна мошне тесно. Холандија поведе во 20тата минута со голот на Робен, а веднаш по тој гол, по неполна минута Тим Кејхил стрелаше за изедначување што даде одличен гол кој сигурно ќе биде меѓу најдобрите на ова првенство. Во второто полувреме, во 54та минута Миле Јединак стрелаше од пенал за Австралија, 2:1 за Австралија. Казната стигна 4 минути подоцна, Робин Ван Перси им ја скрати кратката радост на Кенгурите, 2:2, Холандија изедначува. После 10 минути, Мемфис стрелаше за 3:2 за Холандија и сигурен пласман во 1/8 финалето до СП. Кога веќе се беше завршено во третиот дуел Холандија играш со Чиле, за да го осигури пласманот во 1/8 финалето. Во 77мата минута падна првиот гол за Холандија, го постигна Фер, додека победата за донесе Мемфис со гол во судиското продолжение за 2:0 за Холандија. Холандија сигурно влезе во наредната фаза, со 9 бода.
Веќе рековме, Холандија ќе игра со вториот од групата А, а тоа во овој случај е тимот на Мексико. Мексиканците играа одлично на ова СП, имаат 2 победи и 1 нерешен исход од ова СП, со што со 7 бодови исто како и домаќинот Бразил поминаа во следната фаза. Мексико беше во група со Бразил, Хрватска и Камерун. Првиот натпревар го играа со Камерун каде беа апсолутни фаворити. Во првото полуврме од дуелот со Камерун на Мексиканците им беа поништени дури 2 голови, но во второто победата им ја донесе Пералта со гол во 61ва минута. Вториот натпревар со домаќинот Бразил, Мексиканците во тој дуел изненадија, одиграа 0:0 со Бразилците кои игра пред своја публика. Бисерот на Мексико беше голманот Очоа, кој бранеше како луд таа ноќ. Натпревар полн со шанси, удари кон голот и многу тензија, но за жал без погодоци. Последен натпревар, Мексико: Хрватска, кој оди понатаму. Почетниот резултат, поточно 0:0 се држеше до 72ра минута кога Маркез даде гол за Мексико за 1:0, 3 минути подоцна Гуадрадо даде гол за ново водство на Мексико сега поголемо со што можеби веќе беше и решено дека Мексико ќе влезе во 1/8 финале заедно со Бразил иако и реми им одговараше на Мексиканците. Но тука не беше крајот на голеадата, во 82рата минута Чичарито, 3:0 за Мексико. Сигурно низ целата држава се викаше, урлаше се навиваше и сите беа среќни, Мексико е во 1/8 финале! Утешниот погодок за Хрватите го даде Перишиќ во 87ма минута.
Холандија и Мексико досега имаат играно 6 пати. 3 победи има Холандија, 2 има Мексико а еден натпревар завршил нерешено.
Стадион на кој ќе се игра светското. Estadio Castelao во градот Fortaleza изграден е во 1973 година и има капацитет од 60.342 гледачи.