Домашен сладолед
Земете голем сад кој е погоден за матење и замрзнување.
Земете ги сите состојки според редоследот наведен во рецептот и постепено ставете ги во садот и изматете, потоа нека се замрзнува околу 2 часа. По еден час проверете- можеби ќе биде потребно подолго време особено ако некои додатоци сами сте ги додале во составот, затоа чекајте убаво да се зацврсти смесата.
Извадете го садот од фрижидерот за замрзнување и половина час нека стои во фрижидер. Идеално замрзната смеса е кога е замрзната и цврста по краевите, но не целосно до средината.
Извадете го садот и измешајте ја смесата за сладолед се додека не стане како крем (ако се формирале кристали или грутки, подобро изматете).
Повторно ставете во фрижидер уште половина час, потоа повторно мешајте. Неколку пати повторувајте го ова помеѓу секое повторно замрзнување.
Во зависност од типот и квалитетот на сладоледот, како и од тоа дали сакате сладоледот да биде помек, цврст, растопен... сами определете го времето на замрзнување!
Сладолед & овошје
Овошјето се користи многу, како додаток или пак природниот сок. Постојат неколку начини за комбинација на сладолед и овошје:
Овошјето како главна состојка
Примери:
- сладолед од јагоди
- банана сладолед
- сладолед со овошен шербет
- сладолед со прелив од портокал
Овошјето како додаток
Примери:
- Јагоди, црно грозје и парчиња од диња со шлаг и послужено во висока чаша.
- Диња, портокал и цреша со сладолед и прелив од лимон (слика).
- Парчиња овошје на врвот од сладоледот- паче киви, цели јагоди, цреши, малини и парчиња јабојка.
Рецепт за домашен сладолед од јагоди
Потребни состојки:
- 3 жолчки од јајце (изматени)
- 1/2 доза млеко (250 мл)
- 1/2 доза (250 мл) дупло/густ крем
- 100 г шеќер
- 2 шољи со јагоди
- 1 мала лажица со есенција од ванила
Земете ги јагодите и измешајте ги со шеќер (2 лажици или 50 г) во погоден сад.
Ставете ги во ладилник додека го подготвувате остатокот од рецептот.
Во друг сад ставете ги жолчките со млекото и мешајте, ставете малку сол и остатокот од шеќерот. Подгревајте на минимум, само до точка на вриење (мешајте цело време), НО НИКАКО НЕ ДОЗВОЛУВАЈТЕ ДА ЗОВРИЕ. Пренесете ја целата смеса во ладен сад за да се олади. Потоа, треба да се лади во фрижидерот околу 3 часа, без да заборавите одвреме-навреме да ја проверувате и мешате смесата. Кога сладоледот е готов помешајте го со подготвената смеса од крем и екстракт од ванила и изматете со миксер заедно со смесата од јагоди/шеќер.
Рецепт за домашен банана сладолед
Ова е еден многу познат и омилен рецепт!
Потребни состојки:
- (375 мл) млеко или крем
(може и мешавина од двете по сопствена желба)
- 100 гр. шеќер
- 3 спремни банани и подготвени во форма на пире
Во соодветен сад бананите може да ги гмечите за да станат како течно пире. Потоа истурете во сад со подготвените млеко/крем и шеќер. Потоа измешајте добро. Ставете ја целата смеса во сад за сладолед и замрзнете ја во ладилник за замрзнување.
Екстра идеи: Додадете неколку парчиња егзотично овошје 5 минути пред да го извадите сладоледот од замрзнување.
Сладолед со додатоци во висока чаша
Кога некој сака сладолед, тогаш сите приказни поврзани за сладоледот мора да ги знае, како и сите „варијации на темата“. Еве една позната приказна: СЛАДОЛЕД ВО ВИСОКА ЧАША! Не постои посебен рецепт, важно е како сами ќе го замислите сладоледот. Ова е познат англиски десерт, кој станал многу популарен во 1930 –тите години.
Сладоледот се служи во високи чаши - тоа е всушност мешавина од свежо овошје кое се става на дното на чашата, прелиено со ликер по избор (за возрасни), 3 топки сладолед (вообичаено од ванила и јагода), сос од праска, потоа шлаг-крем и една цреша на врвот. Различни варијации можат да вклучат и желе, разни овошја, ореви и мед, бисквит...
Во Англија традицијата продолжува, сеуште може лесно да најдете ваков десерт!
Потребни состојки:
Парчиња од свежи јагоди, црно грозје, парчиња диња најдолу во чашата, 2 ванила топчиња сладолед и топка сладолед од јагоди. Прелијте одозгора со сос од јагоди, а на врвот ставете интересен бисквит и една црешка.
Домашен сладолед од авокадо
Потребни состојки:
- 250 мл. густ крем
- 1 голема лажица свеж сок од лимон
- 1/2 шеќер во прав
- 375 мл. млеко
- 3 парчиња авокадо
Подгответе го авокадото, исчистете ги семките и со миксер измешајте заедно со млеко се додека не стане смесата како пире. Потоа во ссодветен сад ставете шеќер, сокот од лимон и крем. Потоа мешајте за да стане хомогена - крем маса. Потоа замрзнете го сладоледот според упатствата.
Домашен ментол сладолед
Потребни состојки:
- Свежо нане (7-8 ливчиња)
- 5 големи лажици шеќер
- 3 белки од јајце
- 375 мл крем фрапе
Земете ги листовите од нане и ситно исецкајте ги. Користете миксер или блендер, а може и традиционален толчник и аван. Кога заедно со шеќерот се е подготвено и изматено, целата смеса помешајте ја со крем-фрапе. Изматете 3 белки од јајце и додадете ги во смесата за сладолед. Потоа замрзнете го сладоледот и уживајте во свежиот ментол вкус!
ИЗВОР
Мислам пред се, мек, за вкусот претпоставувам со арома од ванила се решава тоа ама сакам кога ќе го извадам од фрижидер да биде мек како душа, а не тврд како камен 
, да ги има тие слоеви..you know what i mean...
Ти го имаш пробано ова? Колку мраз треба на која количина сладолед? Мислев дека баш треба да се избегнат кристалите вода во сладоледот сега ти викаш обратно?
