Центарот за јавно здравје-Велес произведува ефикасно средство против змии
Вторник, 24 Јуни 2014 14:44
Директорката на Центарот за јавно здравје-Велес Флорентина Шурбевска Ристовска денеска информира дека вршат производство и продажба на, како што рече, ефикасно средство против змии.
Станува збор за „Репелент“ кој, според Шурбевска Ристовска, е 100 проценти природен производ, безопасен за малите деца и за домашните миленици.
- Ова е прв производ од ваков тип во нашата држава, кој е создаден од екстракција на етерични масла од тревки и од дрва. Делува на тој начин што мириса на свеж оган и на тој начин ги одбива змиите да се приближат до одредена површина. Добро познато е дека змиите имаат развиено сетило за мирис и кога ќе намирисаат пожар бегаат, потенцираше на денешната прес-конференција Шурбевска Ристовска.
Таа појасни дека процедурата за производство на ова средство е доста скапа и се одвива во неколку етапи. Со воодушевување, како што рече, ја прифатиле понудата на техничкиот инжинер по органска хемија од Велес, кој предложил да создадат ваково средство за потребите на граѓаните.
Производот е погоден за површини каде се поставуваат приколки, шатори, за дворови и викендици каде во летниот период постои опасност од појава на змии, како што се складови за дрва, грмушки или пак гаражи.
МИА
Вторник, 24 Јуни 2014 14:44
Директорката на Центарот за јавно здравје-Велес Флорентина Шурбевска Ристовска денеска информира дека вршат производство и продажба на, како што рече, ефикасно средство против змии.
Станува збор за „Репелент“ кој, според Шурбевска Ристовска, е 100 проценти природен производ, безопасен за малите деца и за домашните миленици.
- Ова е прв производ од ваков тип во нашата држава, кој е создаден од екстракција на етерични масла од тревки и од дрва. Делува на тој начин што мириса на свеж оган и на тој начин ги одбива змиите да се приближат до одредена површина. Добро познато е дека змиите имаат развиено сетило за мирис и кога ќе намирисаат пожар бегаат, потенцираше на денешната прес-конференција Шурбевска Ристовска.
Таа појасни дека процедурата за производство на ова средство е доста скапа и се одвива во неколку етапи. Со воодушевување, како што рече, ја прифатиле понудата на техничкиот инжинер по органска хемија од Велес, кој предложил да создадат ваково средство за потребите на граѓаните.
Производот е погоден за површини каде се поставуваат приколки, шатори, за дворови и викендици каде во летниот период постои опасност од појава на змии, како што се складови за дрва, грмушки или пак гаражи.
МИА