@alf ..не секој човек е способен да го толкува светото писмо, па мислам дека и на најинтелигентниот теолог не му успева да го објасни подробно божјиот збор и да му го пренесе на обичниот човек.
Јас сум во тие неспособните луќе кои многу многу не ги разбираат значењата на метафорите, но сакам да те прашам дали е грешно ако дословно ја толкуваме библијата, погрешно ли е тоа?
Толкување има само за Тората (и секој денес се обидува да толкува за другите, иако јас не ја разбирам таа потреба), и тоа е пракса од рабините кои го создаваат тој текст со симболи. Кај евреите има пишан и усно предаван закон, верување.
Секогаш христијаните забораваат дека „стариот завет“ (име кое го дадоа на Тората, еврејскиот закон) е еврејска мисла, еврејско верување, учење итн итн... и тоа го прават намерно, за да се отргне идејата дека христијанството и исламот се деца на еврејските школи...
Самиот концепт на месија (што е сосема различен концепт од овој што го слушаме од христијаните и некакво второ или трето доаѓање на спасител за да суди и слично) е еврејски концепт.
Низ историјата постојат многу рабини и толкувања на еврејскиот закон. Дури и за една еврејска буква зошто зборот или текстот почнувал до Б а не со А има цел трактат.
Еврејските рабини се мислам дека биле големи иницијанти во тие времиња, традиција која доаѓа дури и од мистичниот Моше или Мојсеј на македонски. Човек што имал искушенија уште „од раѓање“, па се губи во Египет и изучува сешто, станува принц, па дури потоа еврејскиот Б_г му се појавува откако се поминати искушенијата и кога останува последното искушение - да се отфрли се што е постигнато!
Затоа треба да се разграничи, дали еврејските учења зборуваат за внатрешниот свет на секој човек или зборуваат за материјалниот свет и науката како човечки апарат за откривање на природните закони и пропорции.
Не може и двете. Ако науката не може да се заморува со божествените работи, верувањата и религиите, така и религијата треба да си го гледа својот двор.
П.С. Религиите се наметнаа како „наука“ во мрачниот среден век. Не се враќајте во тој ќумез и разграничете убаво што може со науката (сите гранки) во однос на човекот и неговиот внатрешен и надворешен свет (а се може многу), а што можете со проучување или истражување на различните верувања, пракси, ритуали и философија која се содржи во многуте религии и учења во светот.
