Филтрите е добро да ги менуваш на 10000-15000 километри или на една година, односно што попрво од овие 2 ти дојде. Најбитни ти се маслото и филтрите за масло, на нив не треба да се штеди и треба да се земаат поквалитетни и по можност уште на 10000 промена. Останатите филтри не се толку страшни и може и на 15 000. На секои 50-60000 идат посериозните проблематики. Тогаш треба да се ѕирнат плочките и дисковите при што со голема веројатност плочките ќе треба да се променат а дисковите е пожелно да се корегираат. На таа километража обично се менува и ребрастиот каиш, некои викаат дека може и подолго до кај 80-90000 но ако сред возење ти се сјебе ребрастиот каиш можеш само да се сликаш така да паметно би било до кај максимум 70-75000 да се смени. Тогаш се менуваат и пмевматици и тука исто не треба да се штеди на нив. Така да некаде од 50 000 до 60 000 километри ве чекаат големите трошкови и однапред удрете си некоја заштеда за тоа. На 80 000-90 000 треба да се сменат и дисковите ако до тогаш е се во ред. Глицерин да се дотура по потреба, свеќици исто така. Имајте си обавезно европски сет за пат флуоресцентен елек, прва помош и иако не е задолжително многу пожелно да имате и ПП апарат, дигалка, ланци и јак клуч со димензија од штрафовите на бандажите за во случај на менување гума како и кабли за стартување на возило и сијалички нарочито средно и долго светло-резерва.
Додека ви е возилото под гаранција, сервисите треба да се прават кај овластениот сервисер затоа што кај сите овластени дистрибутери стои клаузулата дека гаранцијата се губи доколку сопственикот го сервисира возилото кај неовластени лица или не го сервисира во предвидените термини (најчесто тоа се од 10 000-15 000 или една година што попрво дојде). По истекот на гаранцијата поевтино ќе поминете ако сервисот го правите кај приватањаци но една работа што треба да ја знаете е дека приватниот мајстор мора да ви биде проверена личност затоа што знам премногу случаеви со подметнати стари филтри, дури и старо масло, неквалитетна услуга, стари делови и аматеризам и дури и понекогаш поскапа наплата од самите овластени сервисери. Најпаметно е прво да си прашате кај овластените дистрибутери цена и да направите компарација на 2-3 други места. Исто така имајте во предвид дека при евентуалната продажба на возилото, многу луѓе ќе сакаат да ја видат вашата сервисна книшка па тешко ќе ви оди со убедување дека редовно сте оделе на сервис, или дека сте оделе ама кај проверени мајстори, но кај проверен еснаф мајстор е секако поисплатливо отколку кај овластените застапници.
Со среќа и грижете се за вашите возила. Не треба да напоменувам дека за голем дел од нас тие се де факто втор дом, а колку само пробелми можат да настанат од неисправноста на истите.