Интересно, како нема особени коментари за списоков.
Генерално и јас се согласувам дека треба да се оди со млада екипа, без првотимците, нешто близу Б репрезентација, особено за играчи кои надминале младински категории, пред се играчи родени 93-97.
И со 80-85% од списоков мислам дека горе долу сите кои повеќе пратат ракомет ќе се согласат. ама има неколку одлуки кои се стварно несфатливи:
1. Што бара Никола Митревски во составот? На 33 години, со скоро загарантирано 2 место во А тимот со оглед на добрата сезона зад себе, ми се чини дека Митревски ги има "надминато" медитеранските игри - и по возраст и по докажаност. Реално на голман треба да се стави фокусот на Томовски и Ѓорѓевски, да осетат малку репрезентативна атмосфера.
2. Каде е Стефан Дрогришки? Дечкото веќе има настап и за А тимот на СП, а нема место за него во составот на медитеранските игри? Дополнително е почудна оваа одлука со оглед дека се повикани играчи како Чурлевски и Крстевски кои се зад Дрогришки во ротацијата и играат горе долу на истите позиции и се во ист клуб! Не знам за што се работи, колку што знам "Дрогата" не е повреден, и е нелогично да не е повикан во овој состав.
3. Каде е Марио Танкоски? Факт е дека Танкоски е сеуште младинец и ќе има и други младински репрезентативни обврски летово, но е несфатливо како веројатно најголемиот талент од неговата генерација, кој постепено добива се повеќе шанса и во Металург не е повикан во овој состав. Дотолку почудно е што другите таленти од неговата генерација (па и помлади!) се повикани на списокот.
4. Каде е Давор Палевски? Ова е можеби на граница, со оглед дека Палевски и на клупско ниво целосно се изгуби - дали е до тренерите или до него не знам, но со оглед дека беше најголем талент на лево крило од помладите генерации чудно е што не е барем повикан, макар и не се квалификувал за крајниот состав.
5. Има ли потреба од Гоце Ојлески во составот? И Ојлески ми се чини е веќе доволно возрасен, докажан и репрезентативно искусен за да нема што многу да го тестираат но ова сепак не е страшна одлука, ќе треба некој да ја води оваа екипа а факт е дека Ојлески и не добива многу шанса покрај Манасков.
6. Дали реално има потреба од Кукоски во составот? Веќе не е така млад, а има доволно други непроверени опции за "дефанзивец" така што не гледам особена поента во овој повик. Реално помина репрезентативното време на Кукоски (нека повели и нека ме демантира, ама скептик сум).
Другото е горе долу ок, иако за некои од старт се знае дека нема да се најдат на финалниот список ама добро е да им се даде шанса, да знаат дека не се заборавени.
Според мене крајниот список од 18 играчи би требало да изгледа вака (нека има 1-2 резерви и нека се ротираат на самите игри):
Томовски / Ѓорѓевски
Ојлески / Димитриоски
Поповски / Костески
Пешевски / Петров / Арсеновски
Велковски / Јагуриновски
Дрогришки / Димитриевски / Георгиевски
Кузмановски / Крстевски / Танкоски / Андоновски
Но очигледно место Танкоски, Дрогришки и Ѓорѓевски ќе играат Митревски, М.Манасков и Серафимов (кој апсолутно заслужува да биде исфорсиран во репрезентацијата, но со оглед дека тој и онака ќе игра летово квалификации и за јуниорско и за кадетско ЕП, реално можеби и нема потреба да се претера со репрезентативни обврски, подобро на медитеранските игри да се тестираат некои други постари играчи кои инаку не би добиле шанса).
П.С. Не е ова којзнае каков состав, но зависно од тоа со каков состав ќе настапи Египет (Африканците за разлика од Европските екипи често знаат да испратат и нешто налик на А тимот, па затоа не може ова да се прогнозира), но со Србија и Турција мислам дека можеме и би требало да бидеме компетитивни на игрите.
П.П.С. Објективно Кузмановски треба да го покаже својот талент.