Во постапката за денационализација, адвокатот што ме застапува мене (со полномошно) и другите наследници на правото на денационализација на имотот на дедо ми, не го напишал моето име во формуларот за листата на барателите, туку го додал дополнително, (по истекот на рокот, иако барањето е дадено на време) иако јас кај неа го покренав тоа истиот ден кога и останатите наследници (баратели). Сите останати документи (од кои повеќе прибавив и донесов токму јас), вклучувајќи го и решението за оставинската постапка (јас сум наследник на 1/4 од имотот на дедо ми, односно делот на мојата покојна мајка), се додавани дополнително и прифатени како валидни. Во сите решенија на првостепената комисија на општина Карпош сум изоставена. Адвокатот што ме застапува ми објаснуваше дека тоа е небитно, бидејќи на формуларот немало место за сите наследници, а меродавно е решението за оставинската расправа. Откако ме зачуди што и на подоцнешните решенија сум изоставена, поднесов жалба на првостепената комисија и ми беше одговорено дека, и покрај оставинското решение, сум “неовластено лице„. Напоменувам дека тоа спаѓа под Карпош, а во решението од Центар со истата постапка сум наведена уредно во листата на баратели и наследници со 1/4. Притоа ми е објаснето дека според Законот за општа управна постапка, штом барањето е поднесено во рокот, може и треба и по службена должност да се надополни со барателите кои се наследници според наследното решение и биле државјани (што сум!) Како е можно да се постапува различно во секоја комисија? Дали во Р. Македонија важи истиот Закон за денационализација и истиот Закон за општа управна постапка во сите (барем) скопски општини? На овој начин законот дозволува и остава место за измами на еден од наследниците од страна на другите наследници. Може дел од наследниците едноставно да исфрлат еден од наследниците. Лишена сум од мојот дел, доделен со судско решение и не сум се откажала од наследство. Освен тоа, приложив уверение за државјанство токму да го докажам правото да бидам барател. На жалбата во Судот пред некој ден ми беше одговорено дека комисијата правилно постапила што не ме смета за барател и што сум „неовластено лице“.
Знам случај во кој комисијата по службена должност 2008 година го надополнила списокот на барателите од приложеното наследно решение. Дали и во други постапки важеле поинакви закони за поинакви случаи?