Работа на брод

Член од
20 јуни 2018
Мислења
2
Поени од реакции
9
Еве ви на "кратко" инфо за работата како Ship security. Искуството е лично и неодамнешно, оној што има повеќе информации нека ме надополни, секоја нова информација е добредојдена.

Информациите се однесуваат на компанијата каде што работев или од разговорот со колеги од други компании. Често се среќававме кога бевме докирани во ист порт, по хотели пред ембаркација или после дисембаркација, и пред се при средбата со Port facility security officer-от и предавањето на Ship to ship формуларите кога бродовите ни се докирани еден до друг.

За да работиш како обезбедување на патнички брод, потребно ти е пред се Seaman's book, STCW Basic safety (сите модули) и Designated security duties или Ship security officer, и во зависност од компанијата, потребни се Crowd n Crisis management, Advanced firefighting и Proficiency in survival crafts n rescue boats. Единствен и најбрз начин кај нас е да ги добиете преку Коузон но не сум сигурен дали одржуваат други курсеви освен Basic safety. Можеме сите ние да плукаме по нив колку што сакаме, но мора да признаеме дека благодарение на нив, пола наша младина доби работа и го прошета светот. Поефтини варијанти ви се online од Тунис или директно во Хрватска, Бугарија и Украина но крајниот есап е тука некаде ако ги пресметаш патот и сместувањето. Цената на сите сертификати не би требала да биде повеќе од 900 евра, со валидност од 5 год. Ако лиценцата за обезбедување кај нас чини 400 евра, за да земете плата од дури 200 евра, тогаш цената е повеќе од прифатлива имајки предвид заработката од 1500+долари.

Платите за Security guard се движат од 1000 па до 2300$ плус бакшиш и поклони од гостите, а за Security officer се од 2500$ па нагоре. зависно од компанијата и националноста. Платите се поголеми за Англичаните, Јужноафриканците и Израелците, балканците се некаде на средина, најслабо платени се Непалците, Индијците, Индонежаните и Филипинците. Како за илустрација, за истата позиција, колегата Индиец имаше за 30% помала плата од мене а извршувавме исти задачи. Не е фер, но така функционира бродската индустрија.

Позицијата спаѓа во Deck department, имаш стаф привилегии, сингл кабина во мојот случај, или ја делите со колега, користење гостинска теретана, исхрана во Staff n Officer Mess, перење и пеглање на униформата. Унапредувањата се движат Security guard-Shift supervisor-Deputy security officer-Chief security officer, авионската карта е платена од компанијата бидејки е non-tipping позиција, униформата е целосно бела со бели кондури или бела кошула со црни панталони и црни кондури, зависно од реонот каде што се плови и годишното време, имаш и свечено црно бело одело и еден cover all комбинезон за dry dock или кога помагаш на Safety officer-от.

Работните задачи се сведуваат на контрола на влезот (gangway) на бродот кога е port day, потполнување на Ship to port формулар, кординација со PFSO и Designated security officer-от, давање Ship is clear и All onboard and safe потврда на капетанот, проверка и регистрирање на картиците на гостите, конфискување на ножеви, оштрици и слично, алкохол, овошје, зеленчук и цвеќиња, скенирање со x-ray машината, рачна проверка на гостинот со HMD ако сигнализира тн Arch pass дека гостинот има метални предмети во него. Ова е заедничко за сите поголеми компании, освен на Silversea каде што тоа го прават AB seaman. Помалите компании немаат вакви инсталации за проверка, освен HMD (рачен детектор на метали), скенирањето го врши обезбедувањето на портот. Останатите членови на тимот патролираат по бродот, го пречекуваат и испраќаат пилотот до тн bridge каде што тој и капетанот ќе го докираат бродот во портот и сл.
Кога е sea day, работата се сведува на патролирање по бродот, чекирање на различни места, проверка на одредени забранети делови од бродот (engine rooms, bridge), дремење крај базенот, пред продавниците или близу делот со казино, разрешување на најразлични банални поплаки од гостите од типот гостите од кабината до нас се гласни, хрчат и сл. реагирање на тепачки и кавги помеѓу персоналот итн. Најтежок е денот кога гостите доаѓаат и си одат од бродот, се сликаат за во систем, ги враќаш назад на рецепција кога не им е избалансирана, платена сметката и слично.
Од месечните обврски се издвојува спремање на најразлична документација, алко и дрога тест за посадата кога ги бркаш по брод за да ги однесеш во амбуланта, проверка на опремата (врски, компјутери, читачи, заштитни елеци, двогледи, спрееви, лисици, ноќни визири, шлемови) и да.... на бродот има оружје ама дури и вие како обезбедување нема никогаш да го видите. Ризични подрачја се Јужниот Медитеран до Северна Африка, потегот од Израел, преку Црвено море, Аденски залив и Арапско море па се до Сингапур, и делот западно од Мадагаскар.Тогаш нивото на безбедност од Ниво 3 се симнува на Ниво 2 или 1 со засилени мерки на безбедност. Бродовите кои пловат од и до Америка се друга приказна и тука се доста поригорозни во однос на опремата која што се поседува и безбедносните мерки.

Во однос на државите од каде доаѓаат. На MSC се исклучиво Израелци, дојдени преку Marsec и Mano Security, фирма која регрутира и за Mano Maritime, Грчките компании како Celestyal и VTA, преку Experience од Пиреја вработуваат Грци и плус некој залутан, на NCL корпорација (NCL, Oceania и Regent) преовладуваат Индијци, Филипинци и Индонежани дојдени преку Kamaxi, на Carnival corporation (Carnival, HAL, Princess, Costa) се Непалци и фаци од Мијанмар дојдени преку Gurkha International Group, Индијци и Филипинци дојдени преку Magsaysay, истата компанија е и за Star cruises и Dream cruises. P&O корпорација (двете P&O, Cunard) и Marella се класа во обезбедувањето и претежно се англичани но не ми е познат начинот на регрутација, незнам ништо ни за Disney, Saga, Viking и RCL International (Royal, Celebrity, Pullmantur, CDF, Skysea), Cruise&Maritime Voyages регрутираат различни националности online и преку своја агенција во Лимасол, Silversea регрутираат Индијци како обезбедување преку Vships, Viking recruitment и online, Bahamas Paradise cruises регрутираат преку CMI, Seaborn само online и по препорака од колега, на Birka се Естонци пријавени online, на Viking Ro-Ro се Финци и Швеѓани исто online, за Asuka cruise, Iva shipping регрутира Хрвати, Aida и Tui cruses регрутираат пријавени online и преку една бугарска и хрватска агенција само лица кои зборуваат германски, исто е и со Phoenix Reisen, Hapag Lloyd и Fred Olsen како германски компании, Fathom и The World имаат по еден брод и се пријавува online, Crystal cruses регрутираат преку Crystal cruises manning, Paul Gauguin регрутираат само online, Hurtigruten cruses регрутираат само Норвежани пријавени online. Сигурно постојат и други регрутери за секоја од овие компании но не ми се познати. Новина на почетокот од оваа година е што Sapko LTD i River Fluss за првпат регрутираа Security за речни бродови, за AmaWaterways и Avalon. Добив понуда од 1700 и кусур долари и супер ротација ама бараа исклучиво ЕУ пасош така да статива.

Да не ме сватите погрешно, јас аплицирав скоро на сите овие страни и покрај искуството добив позитивен одговор само од 2, изговорот на другите беше дека регрутираат само од одредени држави поради помалите плати кои им ги даваат и оној пристап Yes boss (на сите оние што биле на брод знаат како жутите понизно прифаќаат се што ќе им се каже а нашиве секогаш мора да ги влечеш за уши за да сработат како што треба). Сега гледам Коузон имаат оглас за Security guard и за Shift leader па ако има некој од Коузон на форумов да пише нешто повеќе, пред се за која бродска компанија се работи, каков е тој тренинг, трошоци и сл. Поздрав
 
Последно уредено:
Член од
1 ноември 2017
Мислења
10
Поени од реакции
2
Момци септември се качувам на карнивал конквест (мајами, кариби, бахами, бермуда). Што би ми препорачале околу комуникација со дома. Дали мислите дека американско бројче на лајка мобајл ќе заврши работа? Или постои некоја друга опција?
 
Член од
11 ноември 2009
Мислења
1.227
Поени од реакции
556
Дали некој има идено преку агенцијата Астерија на Принсес Крузис? Ве молам што поопширно може, ќе користи :)

Фала
 

Tonchie

BATTERY +
Член од
15 јуни 2005
Мислења
13.320
Поени од реакции
7.372
Отворената позиција што ја пишав пред некое време за Security Guards е за Ројал Карибиан и Селебрити.
 
Член од
6 декември 2017
Мислења
13
Поени од реакции
1
Здраво на сите,
Доколку некој има искуство што бил на брод да сподели инфо, како работата,плата, трошоци од тука за тргнување и средување документи.
Јас сум посебно заинтересиран за работа како крупие во казино доколку некој има инфо за оваа позиција ке му бидам благодарен да сподели со мене, сакам да ги знам сите детали околу оваа работа,
 
Ф

Флеш

Гостин
Пријателе,имаш постоечка тема Работа на брод.Има доста ислусни членови шо биле како Тончи идр.Побарај ја,полно страници е.....
 
Член од
5 јануари 2012
Мислења
9.288
Поени од реакции
4.960
ПОТРЕБНИ ДОКУМЕНТИ

  • Апликација за вработување (се пополнува и потпишува кај нас во канцеларија)

  • CV на англиски јазик

  • Копија од пасош (првата страна)

  • Потврда за неосудуваност (оригинал и превод на англиски јазик од судски преведувач)

  • 2 фотографии пасошки формат на бела позадина

  • Препораки на англиски јазик

  • Диплома за завршено образование, (оригинал и превод на англиски јазик од судски преведувач)

    Ме интересира што се ова препораки на англиски јазик ??
Исто и од што се состои медицинскиот преглед. И колку е напорна работата како шанкер на брод ?
 

Tonchie

BATTERY +
Член од
15 јуни 2005
Мислења
13.320
Поени од реакции
7.372
ПОТРЕБНИ ДОКУМЕНТИ
  • Потврда за неосудуваност (оригинал и превод на англиски јазик од судски преведувач)
Исто и од што се состои медицинскиот преглед. И колку е напорна работата како шанкер на брод ?
Кај ќе аплицираш па уште од одма ти бараат потврда за неосудуваност?

Медицинскиот преглед е детален преглед на твоето тело и опфаќа рентген на граден кош, анализа на крв и урина, преглед од офталмолог, оториноларинголог, доктор интернист...

Работата како шанкер зависи во каков бар ќе те стават. И зависи на која компанија.
Имам колега што 7 години работел у бар департмент, почнувајќи од бар јутилити до шанкер. Сега ако се враќа на брод, би работел само бар-вејтер :)
 
Член од
5 јануари 2012
Мислења
9.288
Поени од реакции
4.960
Кај ќе аплицираш па уште од одма ти бараат потврда за неосудуваност?

Медицинскиот преглед е детален преглед на твоето тело и опфаќа рентген на граден кош, анализа на крв и урина, преглед од офталмолог, оториноларинголог, доктор интернист...

Работата како шанкер зависи во каков бар ќе те стават. И зависи на која компанија.
Имам колега што 7 години работел у бар департмент, почнувајќи од бар јутилити до шанкер. Сега ако се враќа на брод, би работел само бар-вејтер :)
Во Астериа го видов тоа ... иначе тоа ми е најмал проблем потврда за неосудуваност хахаха.... Незнам сега дали ќе смета носење очила за далеку ..
 

Tonchie

BATTERY +
Член од
15 јуни 2005
Мислења
13.320
Поени од реакции
7.372
Во Астериа го видов тоа ... иначе тоа ми е најмал проблем потврда за неосудуваност хахаха.... Незнам сега дали ќе смета носење очила за далеку ..
Носењето очила е сосема вообичаено, има многу морнари што носат наочари на работа :)
 

Tonchie

BATTERY +
Член од
15 јуни 2005
Мислења
13.320
Поени од реакции
7.372
Две недели тишина на темава :)
Да ја раздвижам:



Become part of the World's leading cruise line, apply now for our personal interviews in Skopje, Macedonia 9th – 11th October 2018.

Viking Ocean Cruises is proud to offer a comprehensive package for its onboard positions:

• One of the best salaries
• Paid ticket
• Reimbursement (medical, visas, vaccine cost)
• Free shipwide WI-FI
• Travel for free and get paid

Kouzon is organizing personal interviews in Skopje, Macedonia 9th – 11th October 2018 where the recruitment team of Viking Ocean Cruises is pre-screening candidates for their onboard operation.
Be part of this interview, get a job & join the crew on the new ship Viking Jupiter.

You may apply for any position in all below departments:

• F&B Department (Restaurant & Bar)
• Housekeeping Department
• Shore Excursions
• Stores
• Entertainment
• Galley

If you feel qualified and you would be interested in joining these interview sessions APPLY TODAY AND BECOME A VIKING by sending your CV in English at info@kouzon.com.mk with Subject line: “For Viking Ocean Cruises”.
 

Kajgana Shop

На врв Bottom