Ради висина најмногу, иако во дефанзивна игра не сум сигурен дека само тој сегмент е битен, видиго Македа каква одбрана играше вчера, колку подвижен е и брз за неговата висина, знае навремено да излези на фаул за да прекини проток, да украде топка, едноставно има ракометно IQ за игра во одбрана, не е квалитетен ради тоа што само е висок ми е муабетот, овие елементи кај Мишевски барем јас не ги гледам, мислам дека трансферот кој го направи во 3та француска лига на некој си 19-20 години најдобро говори околу неговиот потенцијал, no offence
@Xsago , само мое мислење..
None taken
@Vardarecc Затоа постои форумот, за секој да си го каже мислењето, и тоа е добредојдено
Нема точно и грешно, не сме ние ни тренери ниту некакви експерти, тука сме за дискусија, а од дискусијата ќе произлезат некои добри поенти.
Јас апсолутно се согласувам дека не е се до висината, напротив, во спортови во сала како што се ракометот и кошарката од исклучително значење во помодерни времиња е латералното движење и агилноста, кои и тоа како имаат влијание во одбрана (особено во ракомет на позиции 2 и 5) а вертикалната експлозивност одамна се ценела, но таа е позначајна во напад, во одбрана нема некое влијание, тој тип на атлетост дефанзивно е преценет.
Дополнително, самата висина во принцип и не е толку битна, битни се т.н. standing reach и wingspan - на македонски тоа би било еден вид на хоризонтален и вертикален распон на раце. Должината на рацете е исклучително значајна и често, пониски играчи со пониско тежиште (што им овозможува поголема агилност) но со несразмерно долги раце во однос на висината се поуспешни од високите играчи со просечна или подпросечна должина на рацете (под услов да имаат иста трудољубивост). Интересно е што генетски црнците се посклони да имаат вакви карактеристики од белците иако има и исклучоци.
Причината зошто Талески и Мишевски се таленти во кои се исплаќа да се инвестира е токму во распонот на раце а не толку во самата висина (го додавам Талески бидејќи приказната од дефанзивен аспект е слична). Згора на тоа, јас не би се согласил дека се до толку неагилни. Тие можеби не се подвижни во споредба со пониски играчи со друг тип на градба во долниот дел од телото, но за играчи со нивна "должина" се ок, и за македонски услови се реткост (а ние генетски не сме со добри предиспозиции за спорт). Мишевски на пример, од аспект на вертикална експлозивност навистина лошо стои, но тоа е многу поважно за игра во напад. За одбрана, тоа има минимален ефект. Многу поважни во одбрана се должината (особено на 3 и 4) како и латерната (странична) агилност во која Мишевски не мислам дека е до толку ограничен како што го коментираат повеќето, туку дека е сосема адекватен. Според мене, на Мишевски му треба минутажа, натпревари со висок набој, и искуство. И му треба да си ја најде улогата во ротацијата, бидејќи ако игра исклучиво во еден правец ќе биде многу ограничен. Мислам дека ако ништо повеќе, има барем теоретска употребна вредност во транзиција и продолжена транзиција (прв бран на напад) што му отвора врата да стане значајна алка во репрезентација, а ако има таков талент е и интересен таргет за клубовите.
Овде би додал уште една работа. Колку што јас можам да забележам (ова не е некаква си академска поделба), централните дефанзивци можеме да ги групираме на два типа:
- снажни дуел играчи (пр, голем дел од скандинавците, или кај нас браќата Маркоски, Кукоски и сл.)
- Долги позициски играчи (тука спаѓаат на пример еден куп хрватски централни дефанзивци, Јоновски од нашите и сл.)
Двете си имаат предности и маани, јас не се согласувам дека едното е секако подобро од другото, зависи од противникот, зависи од миксот (тандемот) на 3 и 4, може да има два играчи од ист тип (пр. Гојун-Копљар во Хрватска), но може да се и двајца различни (пр. Винчек-Пекелер во Германија).
Мишевски (и Талески) е од вториот тип. Дел од проблемот е што ние очекуваме да игра како првиот тип (а како таков ќе биде нормално помалку успешен). Со оглед дека и на 2ка и 5ка немаме којзнае какви дуел дефанзивци, можеби има смисла да имаме микс од два различни профили на 3 и 4 (како од времето на Велко и Јоновски), од кој што едниот би бил Мишевски/Талески, а другиот треба да се издефинира, на пример некој пикер кој игра и во напад. Не знам што е правилното решение, но за да се истестираат можностите, тоа треба максимално да се тренира и испробува во клубовите. Тука е можноста што се укажува со овој трансфер Мишевски-Алкалоид.