http://www.makfax.com.mk/look/novina/article.tpl?IdLanguage=10&IdPublication=2&NrArticle=129439&NrIssue=801&NrSection=30
Њујорк тајмс го поддржа Обама за претседател на САД
Водечкиот американски дневник Њујорк тајмс застана денеска зад Барак Обама – кандидатот на Демократите за претседателските избори во ноември.
Во опширната воведна статија весникот оценува, дека сенаторот од Илиноис се издигнал до нивото на лидер, за каков САД имаат потреба, по осумте години на републиканецот Џорџ Буш во Белата куќа.
Њујорк тајмс пишува дека Буш на неговиот наследник му остава две војни, нарушен глобален имиџ и влада, која систематски ги губи можностите да им помогне на своите граѓани, без разлика дали бегаат од поплавите од ураганите, бараат прифатливо здравствено осигурување или пак се борат да ги задржат своите домови, работни места, заштеди и пензии во финансиската криза, која беше најавена и која што можеше да се спречи.
Обама се издигнуваше над предизвиците и прерасна во вистински лидер, остварувајќи ги неговите ветувања за надеж и промени, наведува Њујорк тајмс.
Весникот се присоедини кон други 127 дневни весници од целата држава, кои изразија поддршка за Обама, наспроти 49 весници, кои го поддржаа републиканецот Џон МакКејн.