Dune 1984 vs Dune 2021
Нема да пишувам одделни рецензии. Првиот го гледав кога имав 6 - 7 години на VHS и се сеќавам дека ништо не разбрав, па викам ај пак ќе го гледам сега. Ако го оценувам како комплетен филм, ќе кажам дека е тоа многу лош филм. Мислам настаните се лепени колку да се каже дека треба да се случат, се гледа дека снемале средства, па почнале да импровизираат. Јас книгата ја немам читано, али да пробаш да ставиш 800 страни книга во 2 саати филм е осудено на пропаст. И го сфаќам Линч кога кажува дека не треба да се нафаќаш да снимаш филм кога знаеш дека нема да излезе како што очекуваш. Ај што студијата неќеле да вложуваат уште пари пошто огромна сума на пари била поторшена на препродукција на Дуна-та на Жодоровски која траела скоро 5 години и потрошиле некаде околу 5 милиони долари од вкупен буџет од 14 милиони долари за тоа време. Студијата и не сакале филмот да трае повеќе од 2 саата, што е смешно во најмала рака, додека Жодоровски да речеме имал план да филмот/серијалот филмови трае помеѓу 10 и 14 саати. Заради тоа и Линч кажува дека правењето на филмов за него било кошмар. Друг дел кој доста ми беше чуден е константното шепотење на ликовите во филмот. Зошто? Мислам разбирам, кога шепотиш мудри мисли и во позадина дуваат силни пустински ветришта додека во исто време оди и Prophecy на Brian Eno, а ти се наоѓаш во темна пустина опкружен со џиновски пустиински црви, дава некоја доза на мистичност и го прави филмот поистрипан, ама не да се потпираш на таа финта низ цел филм. Иако филмов излегол во 1984 год. имав чувство дека е сниман во 50 ти или од 60 ти години, особено во делот на глумата, премногу драматизирање и overacting, ликовите постојано изговараат некакви мудрости, па се прашуваш дали не гледаш некаква античка трагедија? И она што најмногу ми сметаше е што, иако ја немаш читано книгата, осеќаш дека настаните некакао се fast forwarded. Тоа особено се забележува во вториот дел од филмот.
Во однос на денешниот Dune би рекол дека сум задоволен, ко што кажав неколку пати, ја немам читано книгата и не можам да кажам дека со сигурност ова е совршената адаптација на делото на Френк Херберт. Денешниов филм би рекол дека е римејк или подобрување и надградување на тој од 1984. Денис/Дени Вилнев полека постанува еден од најдобрите режисери за мене, ако не и најдобар сај фај режисер во моментов со култни дела ко Блејд Ранер и Arrival позади себе, плус сега и Dune. Да земе да умеша прсти во Alien универзумот, аууу сине, во секој случај многу повеќе од преварата Крис Нолан и неговите мучкалици. Во однос на филмот не очекувајте некој додатен lore пошто ќе се разочарате, приказната е таа, во превод не очекувајте дека ќе ја гледате Дуна на Жодоровски. Доста фанови почнуваат веднаш со напади и критики, пошто очекуваат дека филмот треба да им ја прераскаже книгата, со настаните онака ко што тие си ги замислиле, ништо не може да биде подобро од книгата. Моето резонирање е дека ако филмот е успех, а по се изгледа веќе е, ќе има уште многу сиквели и приквели, што е одлична вест. Да речеме Dune: The Sisterhood е веќе во најава . Имам чувство дека оваа верзија на филмот и повеќе се држела до изворните материјали односно книгата во споредба со претходникот, има доста борби со мечеви/сечила што не е случај со филмот од 1984 да речеме. Некои ликови од книгата да речеме добиваат многу повеќе screen time споредено со филмот од 1984 год., како што е случајот со Данкан Ајдахо (Џејсон Момоа) кој во филмот од 1984 год. дали се појавува во две сцени, Турфур да речеме не е толку експониран тука. Инаку во однос на тоа како филмот изгледа визуелно, Dune 2021 ја поставува летвичката прилично високо. Во филмот од 1984 да речеме практично и не гледаме како Каладан изгледа, планетата на куќа Атрејдис. Додека тука имаме прекрасни снимки од истата, мислам дека е снимано некаде во Норвешка и e целосна спротивност на планетата Аракис. Домот на куќа Харконен, мракови и темници, сивила, мислиш дека се наоѓаш во напуштен вонземјански храм или вселенска станица. Баронот Владимир Харконен, збори помалку и се издерава помалку, али е доста поубедлив како лик. Кога ќе размислам Денис Вилнев практикува да покажува повеќе отколку работите на гледачот да му ги пренесува преку дијалог, а верувајте филмов е гозба за очите, иако го гледав дома на тв, можам да го замислам чувството да го гледате во кино со музиката на Ханс Зимер, "моќно" ќе биде преслаб збор да ви го опише чувството. Иако кога сме кај музиката, саундтракот на филмот од 1984 год е врвно уметничко достигнување и не може да се спореди со ништо. Темата Prophecy е такво дело што колку и да мислам, нема да најдам соодветни зборови кои ќе опишат колку е величенствена темата, трансцедира во нешто возвишено, надчовечко...
ме потсетува на тоа како би сакал да изгледа мојот последен изгрев на сонце тука на земјата. Како што веќе кажав, прекрасни глетки и кадри, визиите на Пол се исто така ремек дело, Лејди Џесика е преубава, Чани\Зендаја и не баш, би можел да поминам и без неа. За мене без сомнеж ова ќе биде филмот на 2021 год. 9 од 10
, дека ја очекував пак Стинг да искочи на дуел. 
www.imdb.com
