Taка е. Бугарија ја заврши војната на страна на сојузниците, но како и Италија, Романија и таа беше поголемиот дел од војната на страна на Тројната оска. Најбитно е тоа што беше на страна на Оската кога се прекршуваше војната. Затоа денес никој не ги смета земјите како Романија или Бугарија, како дел од сојузничките сили, туку се помнат во историјата како дел од Оската, независно од тоа кои се вашите желби.
За тоа колку Бугарија имала фашистички карактер, сепак да признам, не сум сосема сигурен и тука има простор за дискутирање.
Сепак, нема простор за дискутирање кога е во прашање депортацијата на македонските Евреи. Бугарија мораше да испорача (како и сите други сојузници на Хитлер) квота Евреи. Бугарија се потруди да ги сочува Евреите на својата територија, а ги испорача од новосовоените територии, доследно. И за ова нема дилема. сите Холокауст-организации по светов, водат прилично добра евиденција за ова.
Цар Борис никогаш не бил нешто многу љубител на Хитлер, ама поради повеќе причини морало да се приклучи, за Бугарија да не ја доживее судбината што во иднина ќе ја доживеат Грција и Југославија.
Бугарските ѕверства во Македонија се факт, исто така, но не се споредливи ни приближно на пример со ѕверствата на Германците во Србија, или Усташите во НДХ и сл. Исто така е факт, дека огромен дел од населението во Македонија, бугарската окупација не ја доживеа страшно. Тоа мораше да се избрише од официјалната историја во Југославија и да се преувеличуваат: ѕверствата, степенот на отпор, како и степенот на антагонизам на домицилното население кон Бугарите.
Македонија, можеби најдобро помина од сите југословенски републики во таа војна.