Кога отидов на преглед, чисто за да знам со сигурност дека се работи за себореа, ја прашувам докторката зошто ми се јавува, знаејќи што ќе ми одговори, дека е од стрес. Ја прашувам кој е механизмот, ми паѓа ли имунитетот, па габичка ли е ова, знаејќи дека не е габа, се правев дека не разбирам, вика абе стрес, секој различно реагира, на некој од стрес притисок му се качува, некој чир добива, некој тахикардија, тебе ти е најлесна форма на реакција на стрес само што е видливо, пукаат крвни капилари по кожата ми вели. А баш, овој период ама ич не ми бил стресен, уопште. Пак не верувам баш во оваа теза, мора да има некој механизам на јавување, еве јас забележав дека јадев многу благо тој период, многу тесто, малку повеќе неактивен бев, не се рашетавав и движев многу. И мислам дека најмногу причините се ендогени, односно склоност и исхрана, на тие два фактори треба најмногу да се пази. Ми препиша 3 мрсни креми, од сите по 3 пати на ден требаше да се мачкам, што значи дека требаше како сијалица да се движам меѓу луѓето. Блукапот е добар шампон, и кожата да е добро хидрирана, цело време. Ако немате на работа хигиенски услови за да го измиете лицето, тогаш слободно со една влажна бекутан. Пред легнување и насабајле обавезно хидратантен крем, сапун исто, хидратантен, ма да најубаво лицето е да не се мие со сапун, доволно е само вода.