Си го решавав првутот веќе со години користејќи Head and shoulders, и обично после бањање си ставав бекутан крем на раце, и ќе поминев низ коса. Супер си бев, решив малку подолга да ја пуштам, под малку подолга подразбирам колку да имам шишки и малку да ја терам на страна, и земав восок Тафт и верувале или не, од 2 ставања на тафтот ми се поврати првутот, а веројатно ми се активираше малку и себорејата, па ми се јавуваа мали лушпички на чело, околу нос, позади уши. Ја скратив скроз кратко, демек ајде може ќе помогне, и пак не можам да се ослободам од првутот. Себорејата ја средив некако, со синодерм макс 2 пати неделно, ама првутот не се трга. Сакам да пробам кетоконазол, колку време смее најмногу да се користи?
ај да пишам и јас тука нешто (сепак широка тема) , идеме редоследно за навиките, причините, последиците и постапки во лечење на досадната појава на перутење на скалпот (себореичен дерматит),
...прво околу навиката околу миењето на коса, секој си има посебен скалп, кожа, па и коса што ќе ни каже кога треба да ја измиеме, а не по протокол најчесто два пати или еднаш неделно, ако работиме, вежбаме, пешачиме, седиме подолго на сонце нормално дека косата побрзо ќе се измрси и во тие топли и влажни денови ќе треба почесто да ја измиеме, па ако треба и секој ден, за разлика во зимскиот сув период, кога доколку не се носи често капа или капуљача може да ја тераме и до две недели да не биде мрсна косата и да издржи да не ја миеме!
...кога ја миеме косата почесто, да речеме ни се случува некогаш во ист ден два пати да ја миеме или последователно секој ден, доволно е еднаш да нанесеме „поблаг“ шампон и да ја измиеме, нема потреба од класичното два пати шамонирање, зашто? - затоа што првото шампонирање т.е. самата сапуница ги остранува нечистотиите што повторно ги добивме во текот на денот, ама второто миење со шампон не ни е потребно зашто тоа таа втора сапуница го остранува природниот мрсен слој на скалпот (кожата на главата) што во моментот на честото миење во текот на ист ден или следниот ден се уште не се „излачи“ доволно за да ние со сапуницата ја отстраниме, а ако го сториме тоа ќе ги провоцираме дополнително повеќе тие лојни жлезди на скалпот одговорни за тоа замрсување на косата!
...со нарушување на лачење на лојни жлезди и себум кај скалпот, лицето, па и трупот со појава на лушпи, првут, перутање, чешање, црвенило и активирање на габичката Malasseziа доаѓаме до една ситуација на кожно заболување т.н. себороичен дерматит( има повеќе типови, ама да не идеме надолго)
... нарушувањето на кожата на скалп со појава на првут, освен од надворешни причини (сонце,влажност, гелови за коса, лоши козметички навики) постојат и внатрешни причини, како што е нарушување на метаболизмот на мастите или жлезди со внатрешно лачење, психолошки проблеми- стрес и напнатост, раздразливост, имунолошки проблеми, исхраната како многу важен фактор, недостаток на Витамин А, Ц, Б7 (Биотин), хормонски дисбаланс (естроген и андроген), долготрајна примена на анаболни препарати, тестостерон, прогестерон
... кога ќе се спојат сите овие фактори како резултат се појавува кожно пореметување со претерано лачење на лојните жлезди создавајќи мрсен секрет (себум) кој во поголемо количесто се созадваат лушпи преставувајќи хранлива подлога и место за развој на габички кои нормално ги имаме на кожата, ама сега размножувајќи се брзо создаваат веќе здравствени проблеми со воспалување на кожата,
... зафатените делови од кожата т.н. себороични области може да бидат во влакнестиот дел на главата, средниот дел на лицето (веѓи, носот, брада,чело, уши) на грбот, околу анусот и гениталиите, тука кожата се зацрвенува, станува влажна и отечена, површината е мрсна и може да биде покриена со масни жолтеникави лушпи, (првут) кои предизвикуваат чешање и со тоа општа нервоза на личноста!
... околу лечењето, секој со своето искуство и посета на дерматолог кој секогаш го има иситот протокол (но зависно од типот на себороичен дерматит нешто се додава или пескокнува) во препишување на терапија по генерика- состав на лековите, а различен за сите оти се препишуваат различни фабрички имиња, ама ако го читате составот ќе видите дека сите приоди на лечење се исти, а и примена на медицински шампони е ист ако го видите составот, само производителот е различен...пример?
лекот кој се применува во лечење на себороичен дерматит за одредено време како шампон за коса - ketoconazolum,
секој ќе рече различно име на лек- шампон дека му помогнало при борба против перутот, а всушност е ист шампон, читајте го составот, не името!
...освен шампон кој содржи кетоконазол, се применува и шампон што содржи селен сулфид, циклопирокс што можат да го намалат нивото на габите - Маласезија, исто така може да се применат шампони во чиј состав кои содржат салицилна киселина, сулфур или цинк или пак примена на приготвена тинктура со резорцин, салицил, ментол и капсаицин со што не само што ќе ги отстрани себоричните наслаги туку ќе направи и добра циркулација на скалпот со што фоликулот на влакното се освежува се обновува што е важно против паѓање на косата и спречување на појавата на алопеција (ќелавење).
...примена на антимикотични срества кои ќе делуваат на габичната инфекција:
miconazole,
clotrimazol
... и на крај лекови кои би ги смириле тие симптоми на црвенило, чешање, како и лошото чувство на отстранување на тие наслаги и „излупена“ веќе чиста кожа локално се аплицира (краток период) кортикостероидни кремови, а влакнестиот дел се третира со 2% салицилна киселина во масло или комбинирана салицилна киселина и резорцин во еднаков сооднос или се применуваат препарати што содржат сумпор, селен,
примена на лек со комбинација на двата- кортикостероид и антимикотик во една маст,
... и сега примена на сето ова, би било редоследно,
- прво треба да се отстранат белите лушпи и да се исчисти скалпот, доколку го има во подебел слој и дополнително (кератозни задебелувања) во овој случај треба да делуваме прво со кератолитици како што е препарат кој содржи најчесто 2-3% салицилна киселина, отстранувајки ги неестетските слоеви и редуцирајки ги слоевите заситени со кожни задебелувања автоматски овозможува обновување на мекоста на кожата, намалувајки ја сувоста,
... belosalic ( комбинација од салицилна и кортикостероид-бетаметазон) е лек за надворешна употреба, со неколку капки на проблематичното место доаѓа до „расчистување“ на кожата обезбедувајќи кератолитички и антиинфламаторни ефекти.
...ако скалпот нема такви дебели наслаги туку само ситен перут, може да се прескочи првиот медицински третман со кератолитик, па се применува антимикотичен шампон како лек како што е кетоконазол по упатство, а се применува потоа некој кортикостероид и анимикотик наизменично, по извесен период од највише до 4 недели примена со два пати неделно,
потоа се прекинува целосно медицинскиот третман и се одбира некоја формула на шампон кој се применува против првут со секојдневно миење на косата после тоа неколку неделно лечење, наизменично со сите горе наведени препарати!
