Мака мачам со овие проблеми кои не се така ретки па ајде да направиме еден муабет. Значи има многу бабини деветини од типот на во тегла мед стави крила од љиљак, рогови од змај и нанеси го на спорното место итн... Има и многу совети од типот на оди кај оној доктор, абе немој кај тој оди кај онаа... Би ценел мислење од стручни лица и од паталци. Што ви помогнало, некој конкретно лек или еве и бабин лек да е само да функционира, добар доктор што ве упатил на право место и прави лекарства и слично.
Јас мака мачам веќе 2 години ми е по 2-3 месеца во акутна фаза, па по 1 месец мирување.
Имам идено на 3 дерматолози и ми имаат кажано дека не се знае зошто настанува, често знае да биде наследно (ако имал некој во семејство). Се јавува по синусоида, значи имаш периоди на смирување и периоди на влошување, нема лек што може да го излечи трајно, но некогаш има случаи на долги ремисии со години.
Не се јавува само на скалпот, може да ти се јави на челото, по должината на рбетот, брада, на нос, на гради. Работава е што многу чеша и пецка, тоа што се собира првут големо чудо, со миење ќе испадне, ама чешањето знае да пизди.
Воглавном викаат дека летен период се смирува, пошто сметаат дека себорејата, стручно себореичен дерматитис, дисебореичен дерматитис, го предизвикува габичка, која под дејство на УВ зрачење умира, па така ако често се изложуваш на сонце летен период знае да се намали. Но и ова е индивидуално.
До сега имам користено: кетоконазол (шампон), кортикостероиди се, не смее да се користи често, најмногу 1 недела, додека го користиш се е во ред, што ќе престанеш се е по старо.
Сега го користам Алпецин А3 и сум задоволен до некаде. Во принцип може да се користи неограничено, пошто нема кортико, ама нагласено ми беше 2 пати неделно со шампонот, останатите со бекутан шампон.
Терапијата секогаш се спроведува индивидуално, од страна на дерматолог, на некој му одговара на некој не. За воспалените лојни жлезди на лице имам користено Адвантан, за лушпите по глава Белосаликс, за чешањето на скалпот Синодерм гел.
Воедно пијам и Летизен, по препорука на дерматолог, за да ми се намали чешањето, пецкањето и сите тие тако звани „субјективни“ чувства што полудуваат.
Последнава докторка ми препорача да: не пијам кока кола, да намалам каве, цигари, лута, зачинета храна, да не се вртам многу на сонце (поради то што кај мене е проширено на чело и на брада), да намалам стресен живот, да зголемам физичка активност.
Имам приметено дека во стресни периоди се влошува и да знаеш дека е точно, стресот излегува на кожата.
Ако те интересира нешто повеќе слободно прашај.