Нема врска ни со мојата свадба ни со сегашните свадби ама ај како повод да Ви опишам една овчеполска свадба од пред 50 тина години :
Петок околу пладне почнуваат подготовките , инаку настанот се вика замесок бидејки се меси погачата која ке се користи при венчавката , вечерта идат првите гости и поканети и непоканети , се служи посна вечера обично чорбест грав , зелка салата и ракија и вино , музика не е обавезна но ако има ( гајди , кавал шупелка ) уште подобро.
Сабота наутро почеток на свадбата и во двата табора , доаѓаат гостите од подалечните места , се служи доручек со мезе и неизбежна ракија ама не греана ( таа е за во понеделник) .Задолжително музика кај младоженецот , кај невестата кога како ! Веселба и ручек после тоа подготовки за одење по невеста , е сеа има две варијанти ако е невестата од истото место ке ја земаат во недела наутро ако е од друго се оди во сабота навечер и сабота вечерта свадбата е во домот на невестата .
Недела кога ке ја донесат невестата дома се оди на венчавка ( матично , црква и на вода) после тоа кај младоженецот додека се има капацитет има тука еден куп активности .
Понеделник е за сумирање на резултатите , од кај 8-9 почнува подготовката ( греење ракија , нормално ако невестата е поштена т.е. неонадена ) и тука веке се собираат само поблиските и доаѓаат гости од кај невестата . Така цел ден оди гозбата со посета на домот на кумот и старејкото( старосватот) , нормално сето тоа со музика .
Вторник се спрема доручек за гостите од подалечните места кои останале на спиење , се нагостуваат и се испракаат ( обично без музики и такви чалами) и тука завршува свадбата.