Ти одговорив веќе еднаш со истото горенаведено ама не можам да ти докажам оти ми го избришале постот. Ништо ново не додадов.
Сосема конкретна е претпоставката и може да се случи, конкретно мене може да ми се случи ако те интересира значи не е толку far fetched.
Еве конкретно:
Имав тумор и отстранет еден репродуктивен орган. Додека стапам во брак јас сум се уште плоден со другиот така да не го прекршувам првиот чекор односно дека стапувам во брак без да сум плоден како што рече ти. Претходно имам банкирано семе. Стапувам во брак. Пример настанува набрзо потоа повторно тумор и неопходно отстранување на другиот репродуктивен орган.
Црквата дозволува на мојата избраничка повторно да се венча за да и даде втора шанса да има дете и можност да го погази библискиот завет дека ќе ми биде верна само мене.
Јас се уште имам банкирано семе (кое да речеме е извлечено без мастурбирање што е потполно возможно).
Црквата не ми дозволува да имам дете и да ми даде втора шанса да имам дете и можност да го погазам библискиот завет дека детето ќе биде зачнато во љубов а не во лабораторија (без притоа да бидат убиени други зиготи или да бидат дадени во лабораториски цели и во втор брак со нова избраничка, значи замисли потполно без да се прекрши било кое друго побарување на Црквата освен тоа што го наведов за зачнато во љубовен однос).
Зошто црквата го дава благослов за едното а не за другото? Двоен аршин, а сепак не сум и' згрешил ништо.
Според Христовата Црква (која што се води по учењето на Господ Исус Христос и Неговите апостоли) разводот е дозволен само од следниве причини евидентирани во Библијата:
1. Доколку едниот од партнерите изврши прељуба, оштетаната страна има право да се разведе, но има право и да прости. Изборот останува на него/неа. (
ев. Матеј 19:9, Библијата)
2. Доколку едниот партнер го малтретира другиот партнер (обично мажот - жената), оштетаната страна има право да го напишти партнерот и да живее во мир. (
1 Коринтјаните 7:15, Библијата)
Освен овие оправдани исклучоци, Библијата не остава простор за други „изговори“ за напуштање на брачниот партнер и прекршување на брачниот завет. Тоа што православните самонаречени „цркви“ си дозволуваат и по 2-3 разводи, тоа си е нивно учење и нивна пракса, која нема допирни точки со Христовото учење запишано во Библијата.
Ако еден од брачните партнери не е плоден, тоа, од Библиска перспектива, е смешен изговор за развод. Бог е Тој што дава деца, па и Тој што зема деца. Плодноста, имањето деца и должината на животот на децата се Негово суверено право и тоа нема и не би требало да го тангира брачниот партнер. Во Библијата има примери каде што брачните парови не можеле да имаат деца, па сепак не се разведувале. Крај краева можат и да си посвојат деца, како што се прави во светот.
Господ Исус Христос рекол: „Така што не се веќе двајца, туку едно тело. И така што Бог соединил,
човекот да не разделува!“ (
ев. Матеј 19:6, Библијата)
Исто така од христијанска гледна точка нема ништо етички спорно во оплодување со банкирана сперма. Во тој случај нема убивање на оплодени јајце клетки (каков што е случајот со инвитрото), така што нема убиство.
п.с. Да појаснам бидејќи мислам дека погоре имате измешано медицински работи. Зачнување со вбризгување на банкирано семе во вагината не е исто што и инвитро. Инвитрото е кога станува збор за замрзнати јајце клетки кои надворешно се оплодуваат со сперматозоиди и потоа една од нив се внесува во матката, а другите се убиваат или замрзнуваат.