Каква правосмукалка би ми препорачале?
Што мислите за правосмукалките на вода?
OK и јас сум буквално на истава дилема како и ОП.
Истражував мелку на темава и ги заклучив следниве работи:
- Правосмукалки со водено филтрирање се одлично решение од аспект на ефикасноста на филтерот. Но проблем е потребата од чистење на садот веднаш по секое чистење.
- Правосмукалки со воздушно филтрирање имаат помалку ефикасни филтри зошто дел од најфината најситна прашина излегува назад низ филтрите. Но затоа одржувањето и чистењето на правосмукалката се прави релативно ретко (во однос на тие со воден филтер).
Од сето ова заклучив дека треба да земам две правосмукалки, по една од двата вида. Правосмукалка со водено филтрирање што ќе се користи за поголемите чистења и друга, правосмукалка со воздушно филтрирање за почестите помали чистења кога нешто инцидентно треба бргу да се исчисти и за брзо пренесување на други места како кола, скали, итн итн.
Од економска страна гледано, не е дека нема логика купување на две правосмукалки: поделбата на чистењето би требало да го зголеми работниот век и на двата модела. Плус, заради таа поделба на амортизацијата нема да одам на најскапите модели... со што доаѓаме до изборот на модели за правосмукалки.
- Кандидат за правосмукалка со водено филтрирање:
http://www.neptun.mk/index.php?route=product/product&path=30_126_102&product_id=75621
•Правосмукалка на вода
•Моќност: 1800W
•Сад за вода со голем капацитет
•HEPA филтер +резерва
•Регулација на јачината
•Метална телескопска цевка
Цена: 6.199,00ден
Тоа што не го пишува во рекламите на продавачот е дека смукачката моќ е само 200W. Но од пријатели и познаници и од други муабети го фалат овој модел, наводно робусен и издржлив. Го разгледав овој модел во продавница и прилично е голем, гломазен и онака лаички и субјективно оддава чуство на робусност и издржливост.
- Кандидат за правосмукалка со воздушно филтрирање:
http://set.com.mk/index.php?route=product/product&path=1007_75&product_id=64663
SAMSUNG Правосмукалка VCC4135S37/BOL, Црвена боја, Моќност на моторот 1600 W, Всмукувачка моќ 320 W, ниво на бучност 83db, Собирање на прашина во кеса, Капацитет на садот за прашина 3.0л, Контрола On/Off, 6 степени на моќност, Cyclone Фитер, Микро Филтер на издув, Pena филтер на мотор, Дводелна челична цевка, Четка 2-Step (NB-250), додатоци за ќошина и пајажина, Витливо црево 360, Автоматско повлекување на кабелот, Радиус на движење 9,2м Цена: 3,299 ден
Главните предности на овој модел покрај препораките од пријатели и познаници, се дека: има циклон филтер, квалитетот на Самсунг со ОК цена во однос на конкуренцијата, релативно е преносна со некои 4 кила, важно е и дека ѓубрето се собира во кесичка која е за повеќекратна употреба.
Тука идеме до еден важен момент за правосмукалките со воздушно филтрирање, ги има два вида:
- со кесички за собирање на ѓубрето
- без никакви кесички за собирање на ѓубрето, туку ѓубрето се собира во провиден сад.
Предности на правосмукалките со сад за собирање на ѓубрето се тоа што нема трошоци за кеси за собирање ѓубре. Недостатоците се тоа што многу побрзо се полни садот со ѓубре и наводно помала усисна моќ имаат и треба често да се чистат филтрите внатре. Плус кога го чистиш садот со ѓубре се разледува прашина насекаде па треба тоа да се прави надвор, но во секој случај ќе се наголташ прашина и истата ќе се налепи на облеката.
Предности на правосмукалките со кесички за собирање на ѓубрето се дека собираат повеќе ѓубре и релативно ретко мора да се отвори правосмукалката за да се замани или испразни кесата за ѓубре.
Недостатоци се тоа што колку се полни кесата за ѓубре, толку се намалува усисната моќ. Друго е што кесите за ѓубре или кошаат додатни пари ако се за еднократна употреба или трошат време за чистење на кесата.
Јас ги гледав кесите за еднократна употреба за горниот Самсунг и искрено изгледаат исто како таа кесата што иде со правосмукалката (а наводно е платнена и за повеќекратна употреба). Материјалот е ист како оној евтиниот материјал што го ставаат во футролите за CD-DVD дискови, подлогата каде допира задниот дел од дисковите. Не можев за разумно време да најдам слика ама се чуствува како тенко платно а изгледа како перфорирана хартија. Кесата не оддава чуство за квалитет и изгледа дека нема да види многу употреба.
Би било убаво некој тука да пренесе некои искуства со кесичките ѓубре што се за повеќекратна употреба...