Acid
Frontman
- Член од
- 22 јануари 2005
- Мислења
- 35.174
- Поени од реакции
- 34.303
Цензура, фаворизирање на други или?
Министерствата и останатите државни институции на нивните вработени им го оневозможуваат пристапот до одредени македонски интернет портали. Но, други портали се отвараат без никаков проблем.
Листа на забранети и дозволени
Вработените во неколку Министерства и државни институции кои нè контактираа велат дека при обид да отворат некои македонски интернет страници од работното место добиваат порака од филтерот кој го оневозможува пристапот дека „Страницата е со забранета содржина“. Вработените прво мислеле дека пристапот им е оневозможен затоа што нивните надредени сметале дека тие им пречат во совесното извршување на работните задачи и продуктивноста, бидејќи е оневозможен пристапот и до друштвените мрежи како Facebook и Twitter, но излегло дека забранети се само одредени македонски портали, меѓу кои и Kajgana.com, додека други се отвораат без никаква мака.
„Веќе некое време не можам да ве читам од работа. Кајгана не се отвора, а без проблем можам да читам други македонски интернет портали, како на пример Курир“, вели читател кој е вработен во едно до Министерствата.
Сосема е во ред и логично да се филтрираат страници со порнографски или нелегални материјали, но интересно е што македонските интернет страници кои се блокирани не спаѓаат во овие категории. Објаснување?
Цензура на едни, фаворизирање на други или?
По реакциите на нашите читатели, за да не избрзуваме со заклучоци и да бидеме објективни во текстот, логично беше за ситуацијата да побараме одговор од Министерството за информатичко општество и администрација, сметајќи дека нивниот ресор е најблиску до проблематиката и дека ќе добиеме некакво образложување на што се должи забранетиот пристап. Вчера пративме мејл во кој ги информиравме за ситуацијата, а им поставивме и неколку прашања во надеж дека со нивните одговори ќе ни се разјаснат дилемите на нас, а и на нашите читатели. Прашањата кои им ги поставивме се следните:
- Дали постои некаков правилник или било каков документ кој дефинира каков тип на македонски интернет медиуми им се дозволени/забранети за читање на вработените во државната администрација?
- Кој одлучува кој интернет медиум ќе се најде на листа на забранети/дозволени .мк интернет медиуми за вработените во државната администрација?
- По кои критериуми се прави тоа?
Молк и шум во комуникацискиот канал со МИОА
За жал, до објавувањето на овој текст не добивме никаков одговор. За некој да се реши на чекор да блокира или цензурира некого, би требало да постојат одредби пропишани од некого, нели? Во случај блокирањето на одредени македонски интернет страници да се должи на самоиницијативни хирови на системски администратори вработени во државните институции, прашањето е како ќе одговараат за нанесена штета на „Страниците со забранета содржина“ од причина што самото нивно филтрирање и забраната за пристап до нив на читателите им порачува дека читањето на овие страници е погрешно и лошо.
Ако на ова го додадеме и фактот дека бројката на вработени во државните институции кои се лишени од правото да бидат публика на едни, а на работното место се принудени да читаат други интернет медиуми, изнесува илјадници и илјадници, излегува дека некој (свесно или несвесно) сериозно ја нарушува бројката на читаност и се што како нанесена штета произлегува како последица од тоа, додека други ги става во повластена позиција.
Не ни сакаме да помислиме на другата опција и на некои мрачни сценарија дека некој сака публиката да чита тоа што тие сакаат да и го сервираат да го чита. Се надеваме дека како земја не сме стигнале до таму.
И што сега?
Одговорот на прашањата не го добивме, текстот го објавивме. Дел од вработените во Министерствата и државните институции кои се наша публика, но и оние кои се надлежни - нема да можат да го прочитаат на работа, но неизбежно ќе стигне до нив и ќе го прочитаат. Очекуваме некој од надлежните да каже нешто, грешката да биде исправена и сите „Страници со забранета содржина“ кои од необјасниви причини се филтрирани да бидат повторно достапни до публиката.
виа Кајгана
Министерствата и останатите државни институции на нивните вработени им го оневозможуваат пристапот до одредени македонски интернет портали. Но, други портали се отвараат без никаков проблем.
Листа на забранети и дозволени
Вработените во неколку Министерства и државни институции кои нè контактираа велат дека при обид да отворат некои македонски интернет страници од работното место добиваат порака од филтерот кој го оневозможува пристапот дека „Страницата е со забранета содржина“. Вработените прво мислеле дека пристапот им е оневозможен затоа што нивните надредени сметале дека тие им пречат во совесното извршување на работните задачи и продуктивноста, бидејќи е оневозможен пристапот и до друштвените мрежи како Facebook и Twitter, но излегло дека забранети се само одредени македонски портали, меѓу кои и Kajgana.com, додека други се отвораат без никаква мака.
„Веќе некое време не можам да ве читам од работа. Кајгана не се отвора, а без проблем можам да читам други македонски интернет портали, како на пример Курир“, вели читател кој е вработен во едно до Министерствата.
Сосема е во ред и логично да се филтрираат страници со порнографски или нелегални материјали, но интересно е што македонските интернет страници кои се блокирани не спаѓаат во овие категории. Објаснување?
Цензура на едни, фаворизирање на други или?
По реакциите на нашите читатели, за да не избрзуваме со заклучоци и да бидеме објективни во текстот, логично беше за ситуацијата да побараме одговор од Министерството за информатичко општество и администрација, сметајќи дека нивниот ресор е најблиску до проблематиката и дека ќе добиеме некакво образложување на што се должи забранетиот пристап. Вчера пративме мејл во кој ги информиравме за ситуацијата, а им поставивме и неколку прашања во надеж дека со нивните одговори ќе ни се разјаснат дилемите на нас, а и на нашите читатели. Прашањата кои им ги поставивме се следните:
- Дали постои некаков правилник или било каков документ кој дефинира каков тип на македонски интернет медиуми им се дозволени/забранети за читање на вработените во државната администрација?
- Кој одлучува кој интернет медиум ќе се најде на листа на забранети/дозволени .мк интернет медиуми за вработените во државната администрација?
- По кои критериуми се прави тоа?
Молк и шум во комуникацискиот канал со МИОА
За жал, до објавувањето на овој текст не добивме никаков одговор. За некој да се реши на чекор да блокира или цензурира некого, би требало да постојат одредби пропишани од некого, нели? Во случај блокирањето на одредени македонски интернет страници да се должи на самоиницијативни хирови на системски администратори вработени во државните институции, прашањето е како ќе одговараат за нанесена штета на „Страниците со забранета содржина“ од причина што самото нивно филтрирање и забраната за пристап до нив на читателите им порачува дека читањето на овие страници е погрешно и лошо.
Ако на ова го додадеме и фактот дека бројката на вработени во државните институции кои се лишени од правото да бидат публика на едни, а на работното место се принудени да читаат други интернет медиуми, изнесува илјадници и илјадници, излегува дека некој (свесно или несвесно) сериозно ја нарушува бројката на читаност и се што како нанесена штета произлегува како последица од тоа, додека други ги става во повластена позиција.
Не ни сакаме да помислиме на другата опција и на некои мрачни сценарија дека некој сака публиката да чита тоа што тие сакаат да и го сервираат да го чита. Се надеваме дека како земја не сме стигнале до таму.
И што сега?
Одговорот на прашањата не го добивме, текстот го објавивме. Дел од вработените во Министерствата и државните институции кои се наша публика, но и оние кои се надлежни - нема да можат да го прочитаат на работа, но неизбежно ќе стигне до нив и ќе го прочитаат. Очекуваме некој од надлежните да каже нешто, грешката да биде исправена и сите „Страници со забранета содржина“ кои од необјасниви причини се филтрирани да бидат повторно достапни до публиката.
виа Кајгана
:
Ниту за социјалните мрежи.
