ДК,
прочитав поназад неколку интересни случки со животни, па и јас се сетив на една таква, каде што двајца во безсознание паднаа за една вечер.
Настанов се случува во Русија, на викендицата кај еден колега пред околу 2 години.
Колегава реши да го слави роденденот на неговата викендица со спиење. Дводневна програма со пијанка, веслање по река и сл (+ можност да се продолжи на уште еден ден).
Во петок после работа тргнавме и после долго трантање со колата ја најдовме викендицата. Местото и објектот убави, природата прекрасна.
Паркираме пред влезот за во дворот и излегуваме јас и уште еден да ги отвориме портите. Веќе имаше и други коли. Отвараме портите и другарчево со колата си влезе и се оддалечи да бара место да паркира низ дворот.
Ние ги затворивме крилата од портата и се вртиме кога гледаме во дворот МЕЧКА. И се упатува на кај нас. Ми се чинеше без крв останав. Цела младост пред очи ми помина. Среќа малку подалеку бев од другарчево и одма ја прснав да бегам, а тој уште постаписан и едно време падна во несвест. Бегам и урлам, кога излезе славеников и вика демек не се плашете моја е.
Ништо нема да ви направи Миша само сака да си игра. Искрено, ама ич не ми се играше со Миша од 400-500 кг.
Мечкава му ја вардела викендицата. Ние врска немавме. Колегава ниту не предупреду ниту ништо.
Ајде се смири работата. Овај другиов го освестија. Се вративме некако во живот и возбудени сите во некоја славеничко-празнична еуфорија се запивме. Бевме околу 15 луѓе. Времето беше пријатно и забавата продолжи во дворот. Миша ни се приклучи во друштвото и едно време исчезна. Ние така солидно запиени вревиме нешто муабетиме не ја забележавме кај замина. По некое време славеников почна да пцуе нешто по мечката. Миша блјат, пиздец и сл. Гледам оди кон сушарата полна со риби и печурки од соседната викендица. Таму мечката јади од то рибите и печурките. Овај пијан кога ја фати со клоци то мечката, ја откости. Пцуј-мавај. За кратко време мечката избега накај реката.
Се враќа назад, седнува, си тура пиво и едно време таман да се напие се стаписува, неколку секунди гледа кон шупата и паѓа во несвест. Се вртиме ние кога Миша излегува од шупа.
Будалава којзнае шо мечка тепаше.