Темелите и подрумот ако не се направат добро и ако не се хидроизолираат добро, се додека ја имаш ти куќата ќе ти излегуваат по некои проблеми. Така да не штеди на бетон, арматура и хидроизолација.
Прво пожелно е во бетонот за исполнување на темелите да се стави адитив за водонепропусност на бетонот. Од кога ќе се постави арматурата во темелите и истите ќе се избетонираат, потребно е да се ичисти целиот терен и да се израмни. Потоа се прави плоча од посен бетон со дебелина од 5-8 центиметри во која единствена арматура ќе биде арматурата која излегува од темелите.
Врз оваа плоча се поставува хидроизолација. Тоа се подразбира премачкување на плочата од посен бетон со основен ладен битуменски премаз кој ќе се суши во рок од ден два, а потоа врз него со топлина се лепат и битуменските траки. Онаму кај што излегува арматурата, поточно онаму кај што ќе бидат столбовите/бетонските ѕидови се изолира со двокомпонентен премаз на цементна основа и тоа во два три слоја.
Потоа се прави заштита на хидроизолацијата со тоа што целата плоча се исполнува повторно со посен бетон со дебелина од 5 центиметри. Врз оваа плоча се става арматурата и се нанесува бетон за А.Б плочата и задолжително е да користите вибрации за да не дојде до задржка на воздух и водени капки во бетонот.
Врз оваа плоча најнормално ќе се кренат и бетонските ѕидови, т.е. подрумските ѕидови кои од надвор ќе се изолираат исто како и подрумската/темелната плоча со основен ладен битуменски премаз и битуменските траки, а врз нив ќе се стави и тефонд, поточно онаа гумено пластична лента со испакнати полукружноквадратни вдлабнатини. Тоа ќе се фиксира и хидроизолацијата е готова, долготрајна и квалитетна и потоа врз ѕидовите се поставува следната плоча. Само внимавај од кои материјали ќе купуваш и кој мајстор ова ќе ти го прави.
И ако веќе живееш во подрумот, што не е препорачливо, задолжително стави и термоизолација.