Еднаш го имам избрисашо со влажна марамица од одозгора на тастатурата , можеби и од тоа да е ??
Интересно е што гранцијата му е помината , ќе треба да најдам некого што се разбира во ова
. Уште ова да ве прашам . Пред два месеци ми се беше скршил држачот за мониторот т.е веднаш под звучникот , и го дадов на еден дечко да ми го направи . Тој го направи, ама тоа мало делче го залепил со секундарен лепак и сода бикарбона
.Случајно од тоа да не мириса, ама пак не на таа страна кај кулерот.
Мора вака да објаснам, пошто сум женско и не ги баш разбирам работите.
За да биде истечена гаранцијата треба да поминале 2 години, а тоа веќе не е баш прилично нов компјутер.
Лап топ никогаш не се дава на некој дечко за да го направи, туку се носи во сервис за компјутери, по можност сервис кој специјализира со одреден бренд. Исклучок е само ако го оставаш лаптопот кај некој кого лично го познаваш или за кого имаш препораки дека си ја знае работата и дека одлично ја извршува. Можно е миризбата да доаѓа од секундарниот лепак, но тој веднаш се суши, а за сода бикарбона, Бог знае за што му била потребна.
За производи од Lenovo препорачливо е производот да се однесе на сервис во ТДК Компјутери кои се нивни увозници, за Dell овластени дистрибутери и сервисери се Макпетрол, за ASUS препорачливо е производот да се однесе во Сет Компјутери - но нивниот сервис има неубава репутација на долги влечкања, понекогаш и повеќе од месец дена додека да завршат со поправката, а за HP (Hewlett-Packard) треба да прашаш во Промедиа, односно HP Store.
Секако, тука се и професионалните сервиси за електроника како Видео Дата кои се во Драчево, но имаат свои канцеларии и наспроти Зоолошка градина и во Ново Лисиче на улица Февруарски Поход, како и Логинг Електроникс, кои се на прв кат во трговски центар Беверли Хилс.
Продавницата на Макпетрол исто така е на прв кат во трговски центар Беверли Хилс, веднаш спроти Логинг Електроникс, сигурно таму можат да ти кажат каде е нивниот сервис за производи од Dell, или можеби ќе можеш таму да го оставиш, па тие да го однесат на сервис.
Продавницата на Промедиа, односно HP Store, е на булевар Митрополит Теодосиј Гологанов кај студентскиот дом Кузман Јосифовски - Питу.
Сервисот на ТДК Компјутери е на приземјето од високата зграда наспроти трговски центар Беверли Хилс, а Сет Компјутери и нивниот сервис се на улица Рузвелтова.
Кога сме кај сервисите кои не ги бива за поправка, можам да ги издвојам К2 Лаптоп кои се, или беа - не сум поминал таму со години - во Аеродром каде што застануваат автобусите на булевар Јане Сандански кај Зегин/Стопанска Банка, производите кои им ги имам носено на поправка се имаат расипувано кратко време после поправките, за кои не наплаќаат баш малку.
Како и да е, во иднина кога ќе имаш посериозен дефект, златно правило ако ти кажат во еден сервис дека производот не може да се поправи, односно дека му нема спас - задолжително однеси го производот во друг сервис за таму да го проверат, и на мене ми се има случено во Видео Дата да ми кажат дека му нема спас на монитор кој се расипа, за потоа да го поправи човек кој работи по дома, но тој човек не е некој дечко, туку ми го препорачаа луѓе на кои им ги поправал телевизорите и еве, веќе втора година по ред после поправката, мониторот работи одлично и без никакви проблеми.