Вебстер Онлајн хуманоста ја дефинира како сoчувствително, емпатично, дарежливо однесување кон другите, тоа е состојба на умот кон која сите треба да се стремиме за подобро утре. Но, јас хуманоста ја замислувам како личност која шета меѓу нас завиткана цела во огледало, на разминување секој може да се огледа самиот во неа. Некои луѓе игнорираат да се погледнат во таквото огледало затоа што не им се допаѓа што може да видат. И таквите луѓе не треба да се обвинуваат, никој не е роден хуман, тоа се учи, се негува - а токму за тоа ни се потребни угледни личности кои како запалените светилници на Гондор треба да не движат напред. Како пример ќе посочиме двајца ликови и компаративно ќе се осврнеме на нивните дела и импакт врз историјата на човекот и придонесот кон хуманоста. На едната страна, најнормално нели, ќе го ставиме Ганди, прочуеноста го стига насекаде низ светот. Toj, oсвен што си ја тепал жената туку и не и давал да зема лекови за нејзината болест, но откако таа починала а тој се разболел од истото - ги земал лековите. Но од друга страна е навидум озогласениот Т. Анос. Тој неговиот несвојствен екстремистични поглед човештвото не го гледа како најголема хуманост, иако неговите дела всадија перфектен баланс, како што и се треба да биде. Тој со леснотија... да не кажеме со пукање на прстите, на своја рака го реши целиот проблем на човештвото, од препопулација, глад па се до густиот сообраќај. Врз прашината на старото население, новото може да изгради далеку повеќе развиени цивилизации кои сега може да се занимаваат со концепти како хуманост, философија па дури и да се запишуваат факултети како што се уметност, литература... бидејќи на плеќите тоа општество повеќе не носи секојдневни проблеми како немање доволно средства за месечниот опстанок, нема да се одминуваат луѓе просјаци, нема да наидат не немање слободен кревет во болница, нема повеќе борба за земја, сиромаштија, немање лекови, сообраќајки и доцнење на работа, итн... Бидејќи геноцидот само понекогаш функционира. Половина е секогаш подобро од ништо. Бидејќи најголемата хуманост е кога се нема потреба од неа.