- Член од
- 29 јуни 2020
- Мислења
- 50
- Поени од реакции
- 73
Пародонтална болест или пародонтопатија (на англиски periodontitis) а меѓу нас позната народски парадентоза. Во литературата и на интернет најчеста дефиниција за оваа состојба се наоѓа дека станува збор за хронична инфламација на пародонталните ткива итн. Кратко кажано од мене се работи за имуно-инфламаторно заболување на пародонталните ткива (нашиот имунолошки систем реагира пребурно кон микроорганизмите од плакот). Во пародонталните ткива (пародонт или забнопотпорен апарат) спаѓаат: гингивата (помеѓу нас познато како непца), тоа е единствениот видлив дел од пародонталниот ткивен комплекс. На гингивата сите ние можеме сами да ги детектираме промените од типот на промена на боја, конзистенција, форма итн. Гингивата во здрави услови е бледо розеникава, површинската структура и е како кора од портокал така се опишува и стручно и во литературата и има цврста конзистенција. По овие параметри се што не е во контекст на ова од типот промени во наведените поими веќе е патологија. Другите три компоненти на пародонталниот ткивен комплекс се цементот на коренот на забот (забниот корен е обвиен со цемент а коронката на забот со емајл), понатаму алвеоларната коска од горната и долната вилица (на неа се детектираат обилни ресоптивни промени во понапреднат степен на пародонтопатија) и периодонталниот лигамент или периодонциум (составен од сврзни влакна кои го поврзуваат забот поточно цементот на коренот на забот со алвеоларната коска. Овие четири компоненти се дел од забнопотпорниот апарат на забите. Како што и самото име кажува овие ткива го опкружуваат забот и му дават потпора а со самото тоа и му ја овозможуваат функцијата.
Кога само гингивата е зафатена со промени од типот промена на боја крвавење итн...станува збор за гингивитис.
Кога веќе постојат и дефекти меѓу забите со ресоптивни промени на алвеоларната коска тогаш тоа значи дека процесот напреднал подлабоко и зафатени се и другите три ткивни компоненти од пародонталниот ткивен комплекс и тогаш станува збор за пародонтална болес или пародонтопатија.
Од ова произлегува дека секогаш бидејќи гингивата е прва на удар, секогаш пародонтопатијата започннува со гингивално воспаление или гингивитис (воспаление на непцата). Гингивитисот може но и немора да прогредира до паротонтопатија. Тука влијание имаат многу фактори кои нема да ги споменав овде.
Поентата со отварањето на темава ми е баш конкретизација на најважната патологија во оралната празнина (пародонтопатијата а со тоа и гингивитисот). Сите сме слушнале и запознаени сме со фактот ѓто денталниот кариес проблем кој не верувам дека некој го немал е најраспространетото заболување но во оралната празнина рамо до рамо со него по статистика е и пародонтопатијата, со разлика што станува збор за многу подмолна и поопасна болест.
За типовите на гингивитис и пародонтопатија можеме да дискутираме подолу.
Кај нас пародонтопатијата е застапена можеби 100%. Не постојат точни конкретни статистички податоци меѓутоа оваа е глобален проблем поготово за нашава популација каде што не само што народот можеби не е доволно информиран што значат непцата што значи здрава гингива здрав пародонт туку не се запознаени и со реперкусиите односно последиците кои оваа болест ги има врз целокупното наше системско здравје. Не само што крајниот исход кај терминалните стадиуми е губитко на забите пародонтопатијата патогенетски е поврзана со атеросклероза дијабетес, предвремено породување, мозочен удар итн.. Сеуште постојат истражувања и студии кои се обидуваат се повеќе да ги поткрепуваат тезите за наведеното предмалку, и сеуште се развива како посебна наука ПАРОДОНТАЛНА МЕДИЦИНА која токму се занимава со поврзаноста на оваа болест со бројни други хронични системски заболувања. Едно е јасно оралната празнина како неодделив дел од организмот во целост е најважната средина нашето огледало каде рано детектираните промени на слузниците се клуќни во препознавањето на разни сосотојби не само пародонтопатија туку анемии, дијабетес автоимуни заболувања итн...
Во Македонија без разлика што има 3000 стоматолози отприлика проблематиката за оваа болест не е опфатена со симпозиуми не се размилсува за неа во смисла потенцирање на нејзината важност итн.. Оралната медицина и Пародонтологија како посебни гранки од Стоматологијата остануваат во сенката на се повеќе трендовските методи на белеење заби. протетски изработки, импланти итн.
Споделувајте ваши искуства од сондирање, киретања на пародонтални џебови, вадење забен камен итн.. Не објаснив етиологија, патогенеза ни кл. слика но немам време бидејќи има мн за пишување. Можеме да развиеме добра дискусија. Поентата ми е доловена. И можеме да ја доближеме оваа проблематика за да се сфати важноста на истата.
Кога само гингивата е зафатена со промени од типот промена на боја крвавење итн...станува збор за гингивитис.
Кога веќе постојат и дефекти меѓу забите со ресоптивни промени на алвеоларната коска тогаш тоа значи дека процесот напреднал подлабоко и зафатени се и другите три ткивни компоненти од пародонталниот ткивен комплекс и тогаш станува збор за пародонтална болес или пародонтопатија.
Од ова произлегува дека секогаш бидејќи гингивата е прва на удар, секогаш пародонтопатијата започннува со гингивално воспаление или гингивитис (воспаление на непцата). Гингивитисот може но и немора да прогредира до паротонтопатија. Тука влијание имаат многу фактори кои нема да ги споменав овде.
Поентата со отварањето на темава ми е баш конкретизација на најважната патологија во оралната празнина (пародонтопатијата а со тоа и гингивитисот). Сите сме слушнале и запознаени сме со фактот ѓто денталниот кариес проблем кој не верувам дека некој го немал е најраспространетото заболување но во оралната празнина рамо до рамо со него по статистика е и пародонтопатијата, со разлика што станува збор за многу подмолна и поопасна болест.
За типовите на гингивитис и пародонтопатија можеме да дискутираме подолу.
Кај нас пародонтопатијата е застапена можеби 100%. Не постојат точни конкретни статистички податоци меѓутоа оваа е глобален проблем поготово за нашава популација каде што не само што народот можеби не е доволно информиран што значат непцата што значи здрава гингива здрав пародонт туку не се запознаени и со реперкусиите односно последиците кои оваа болест ги има врз целокупното наше системско здравје. Не само што крајниот исход кај терминалните стадиуми е губитко на забите пародонтопатијата патогенетски е поврзана со атеросклероза дијабетес, предвремено породување, мозочен удар итн.. Сеуште постојат истражувања и студии кои се обидуваат се повеќе да ги поткрепуваат тезите за наведеното предмалку, и сеуште се развива како посебна наука ПАРОДОНТАЛНА МЕДИЦИНА која токму се занимава со поврзаноста на оваа болест со бројни други хронични системски заболувања. Едно е јасно оралната празнина како неодделив дел од организмот во целост е најважната средина нашето огледало каде рано детектираните промени на слузниците се клуќни во препознавањето на разни сосотојби не само пародонтопатија туку анемии, дијабетес автоимуни заболувања итн...
Во Македонија без разлика што има 3000 стоматолози отприлика проблематиката за оваа болест не е опфатена со симпозиуми не се размилсува за неа во смисла потенцирање на нејзината важност итн.. Оралната медицина и Пародонтологија како посебни гранки од Стоматологијата остануваат во сенката на се повеќе трендовските методи на белеење заби. протетски изработки, импланти итн.
Споделувајте ваши искуства од сондирање, киретања на пародонтални џебови, вадење забен камен итн.. Не објаснив етиологија, патогенеза ни кл. слика но немам време бидејќи има мн за пишување. Можеме да развиеме добра дискусија. Поентата ми е доловена. И можеме да ја доближеме оваа проблематика за да се сфати важноста на истата.