Има доста добри проекти пример Талкачи одличен проект на МТВ едно огромно браво за цела таа инцијатива , потоа Стисни Плеј како музичка емисија ми се допаѓа од другите Круг на знаење како единствен квиз што опстоја,Еден на еден како забавно шоу и толку е од добрата програма од македонска продукција. Од увезена пак води МТВ со откупување на серии како Куќа од карти , Црната листа , Брекинг бед ( Пад кон дното) се искачува и одскокнува од монотонијата наречена турско индиски срања. Мене искрено ми фалат проекти од типот на Дајте музика , Во светот на бајките , Бушава азбука.... За тв серии да не зборам сигурно ќе испуштам некоја а беа снимени со максимум 2 камери , а остана легеди до ден денес. Пак ќе кажам кога лудоста дозволи да се сопре проектот Сашко и Сашка и сега да ми ја форсират српско-хрватската варијанта Анџелко и Анџелка е стварно дебилно. Незнам што е следно ќе увезат можеби хрватска бушава азбука? Пак ќе се навратам на периодот кога АМУ или совет за радио дифузија по старо им нареди на сите оператори да се исклучат хрватските верзии на каналте Национална географија и Фокс лајв . Тогаш господинот директор на Канал 5 Иван С. Мирчевски изјави дека им биле нелојална конкуренција затоа што дел од компаниите решиле да се рекламират токму таму. Цитирам “ Замислете си српските весници да ви доаѓат преведени на македонски јазик како ви се чини тоа?“ Истиот овој откупи заедно со Сител и Алфа толку турски и српски шоуа што неможеш да сватиш како некој стасува да ги гледа. Па како тоа да не е доволно по еднаш премиера и еднаш реприза тие имат по мимимум уште една реприза во текот на денот и групна реприза за време на викенд. Ех коа ќе ми текне дека имаше преноси Премиер лига , Италијанско калчо , Наши потраги по ѕвезди и што уште не за сега да кажеме поефтино ни е да се откупи нешто од надвор? Ми се гади од уништувањето на приказните кои ги создаде Колозов , унакажувањето на Тврдокорни и немањето на никаква образовна програма.