Потребно е овие канали што ги имаме да понудат повеќе.
Сител е најгледана телевизија (така имам прочитано), а еве колку емисии снимаат тие или се снимани за нив:
1.Ја сакам Македонија (утринска)
2.Македонски стари приказни
3.Се или нешто
4.Спортско студио
5.Брза кујна
Можеби има и некоја нивна емисија, а се останато е турско-српски преведени програми.
Но и овие што ги имаат не вложуваат труд во нив, тоа Македонски стари приказни не се прави во нивните студии, емисијата Спортско студио нити знам дека постои, знам тој пензионерот ја водеше порано, со дебати против ФФМ, како во кафана, ама тешко да разбереше нешто друго околу спортот.
Не се мачат бе воопшто да направат емисија, најмногу работа во нашите медиуми имаат преведувачите.
Знам дека мразите да ви ја пофалам Албанија или Косово... ама искрено ви кажувам дека се многу понапред со медиумите, каков медиумски простор.
Најпознатата телевизија во Албанија, Топ Чанел има 14 свои емисии, Визион плус има 10 емисии, Клан има 7 емисии, а има и многу други медиуми ... веќе направија тие специјализирани канали кои нормално се гледаат само со плаќање на дигитален пакет, ама се е на албански барем.
Тие емисии не се случуваат колку да се наполни програмската шема, туку стварно нудат квалитет и се гледа дека вложуваат максимум ... имаат истражувачки емисии кои стварно покренале реакции и на јавноста и на власта... со тајни камери се фатени функсионери како бараат корупција, сексуални услуги, воспитувачи кои малтретираат деца ....
Исто и на Косово, ртв21 има над 10 свои емисии, на државната телевизија на Косово немаш шанси да приметиш некое влијание на Владата.
Кај нас уште малце и бевме на пат да ни се инсталира едноумие, уште Телма беше останало, и веќе во државата све ќе беше розево, ќе не убедеа дека единствена црна точка е опозицијата, па и таа веќе беше сузбиена .... таман едноумие за малку фалеше.
Особено македонските медиуми се прераснати во чудни створења, да ти се кења и поврати кога ги следиш ... а пари си лапаат секога година, и тоа милиони евра.
Албанските медиуми во Македонија се послободни од македонските, се направија доста, и се гледа дека сакаат да направат сопствени емисии, но тие немаат доволно пари како што имаат Сител, Канал5, Алфа кои земаат многу од реклами од Владата.
Мислам дека македонските новинари се многу ограничени, осакатени се заради стравот од одмазда, ете една новинарка беше истерана од Сител пошто напишала колумна за некој портал ... останатите си одлучија да трпат и да ја прифатат цензурата. Голем застој има кај медиумите, цела генерација новинарска се истроши во цензура, којзнае колку успешни новинари се кријат во нашите медиуми, ама им фали храброст.