Укината е оваа одредба
У.Број:66/2014-0-1
Дата на Донесување:28.01.2015
Вовед
Уставниот суд на Република Македонија, врз основа на членовите 110 и 112 од Уставот на Република Македонија и член 70 од Деловникот на Уставниот суд на Република Македонија ("Службен весник на Република Македонија" бр.70/1992), на седницата одржана на 28 јануари 2015 година, донесе
О Д Л У К А
Текст
1. СЕ УКИНУВААТ член 99-а став 3 и став 4 во делот: „Во случај на повторување на прекршокот од страна на истиот сторител или со истото возило, возилото што било користено за превоз трајно се одзема во сопственост на Република Македонија со асистенција на униформираниот полициски службеник во моментот на сторување на прекршокот, а по издавање на решение за трајно одземање на возилото од страна на инспекторот за патен сообраќај“ од Законот за превоз во патниот сообраќај („Службен весник на Република Македонија“ број 68/2004, 127/2006, 114/2009, 83/2010, 140/2010, 17/2011, 53/2011, 6/2012, 23/2013, 120/2013, 163/2013, 187/2013 и 42/2014).
2. СЕ СТАВА НАДВОР ОД СИЛА Решението за запирање на извршувањето на поединечните акти или дејствија преземени врз основа на оспорените одредби од Законот означени во точка 1 од оваа одлука.
3. Оваа одлука произведува правно дејство од денот на објавувањето во "Службен весник на Република Македонија".
http://ustavensud.mk/domino/WEBSUD.nsf
.........................
Подносители на оваа иницијатива беа:
Стојанчо Илиевски од село Конопица, Крива Паланка и седум други подносители од Тетово, Велес и Штип и Наумче Ристески од Охрид и седум други подносители од Крива Паланка, Куманово, село Старо Нагоричане и Скопје, до Уставниот суд на Република Македонија поднесоа иницијативи за оценување на уставноста на одредбите од Законот означени во точка 1 на ова решение.
Честитки за нив!