Малце подолг текст спремив, но се надевам дека барем некој ќе го прочита.
Две друштва, едно 5 девојки, другото 5 мажи.
Девојките се собираат по дома кај една од нив малку порано и пијат сечена вотка или нешто слично и при тоа прават 474545 слики кои ги објавуваат во лајф стрим на Facebook, каде што сите гледаат како убаво си поминуваат и коментарите на сликите се: NE NI MOZE NIKOJ HEHE.
Мажите се собираат некаде во некое поефтино место во градот каде што локаат евтини жестоки пијалоци и шатови и замараат да им пуштат некоја песна. При тоа повеќето од нив седат на Facebook и лабаво си коментираат со другите луѓе, како да не се излезени, иако сите се чекирани каде се.
Девојките потоа земаат едно такси, бидејќи се девојки и можат да идат 5 во едно исто, и одат до дискотеката каде се договорени. Се истоваруваат, си ги местат миничите и ја гледаат огромната гужва пред дискотеката. Поминуваат при неколку мажи кои им упатуваат неколку сељачки коментари и девојките застануваат во ред.
Мажите пристигнуваат пред дискотеката малку покасно бидејќи не ги пуштиле во едно такси, а за две немаат доволно пари, зашто сепак ќе дадат милион денари за алкохол и други работи. Се поздравуваат со сељаците кои ги коментираат девојките, го гледаат големиот ред и решаваат сепак да одат да јадат нешто додека се исчисти гужвата.
Девојките по само 4 минути влегуваат во дискотеката, бидејќи едната од нив се знае со еден од ќелавите чувари кој сака да ја ебе, а таа не му дава, но си го чува во недоумица за да си добива директен влез во дискотеката. Поминуваат низ редицата и си фаќаат сепаре.
Мажите го дојадуваат хамбургерот и доаѓаат кон гужвата. Не ги пуштаат и треба да чекаат.
Девојките нарачуваат коктели и им ги носат по неколку минути. Во позадина се слуша најновиот микс на некоја песна на Ријана. Девојките молчат и едната се пушта на Facebook.
Мажите уште чекаат надвор. Ја пушат втората цигара. Сељаците исто застануваат во редот.
Девојките се уште молчат и набљудуваат што се случува. Едната од нив веќе има напишано на Facebook каде се.
Мажите некако успеваат да влезат, откако се избуткале во гужвата. Влегуваат во дискотеката со кренати гради и бараат плен. Застануваат во едно ќоше во преполната дискотека и нарачуваат по едно пиво.
Девојките го нарачуваат третиот коктел и се уште немаат кажано ни збор, иако на Facebook имаат напишано веќе двоцифрен број на коментари. Некоја глупачка се ставила во врска.
Мажите ги забележуваат девојките и планираат да им се приклучат.
Девојките со поглед и подбивна насмевка го одбиваат пристапот на мажите. Четвртиот ремикс на хитот на Ријана е во позадина.
Мажите се враќаат назад и пробуваат на други девојки, но секако бидејќи се петорица, изгледаат доста застрашувачки за секоја девојка.
Девојките го допиваат коктелот и решаваат да си одат дома. Среќа имаат пари за такси, еден дечко ги частеше сите нив една рунда. Каков сељак.
Мажите решаваат да си одат дома со ноќен автобус, бидејќи тешко некој да ги пушти сите во едно такси.
Девојките пристигнуваат дома, пишуваат статус како си поминале најубаво и како нема вистински мажи во градот. Си легнуваат да спијат.
Мажите пристигнуваат дома, мастурбираат на помислата на девојките и заспиваат.
Е тоа е ноќниот живот во Скопје.