Јас полагав, ама пред две години. Комисијата мислам дека сеуште е иста.
За делот за нотаријатот и делот за кривично право е Лидија од Министерство за правда, граѓанско е Гале Галев, а трговско е Сафет Кадриу. Јас го положив од прва, дека претходно полагав и правосуден, па ми дојде истиот материјал.
Писмениот дел е тежок, обично даваат некој договор, но Лидија е голем буквалиста и бара ептен по шаблон да е напишан, значи и најголеми ситници ко страна 1, страна 2 ги посочуваше како грешки. Мене ми се падна Нотарски акт - договор за залог врз подвижен предмет - регистриран залог. Даваат два акта да си избереш еден, ама во објаснувањето ти е прераскажан цел случај. Кај мене беше лицето А сака да купи ново возило, за кое зема кредит од банката, а возилото го става под залог.. Другиот случај беше Нотарски акт- Договор за распределба на имот за време на живот, имаше објаснување во стил лицето А имало сопруга и три сина, па сакал да го распредели имотот за време на живот само на 2ца од синовите.
За усниот дел, се се полага во еден ден во една просторија, комбинација не влечеш, они ти поставуват три прашања.
За делот на Лидија - иако е најмал и најлесен посвети поголемо внимание, зошто ко што пишав и претходно, жената е буквалист и бара апла како од законот. Обично паѓаат 2 прашања од закон за нотаријат и едно од кривично. Поставува и потпрашања. Мене ме потпраша кои се најновите измени во нотарјатот, тогаш беа извршувањата, па после ме прашуваше за уписникот, цел назив, па скратен назив, па како се потполнува итн.
За делот кај Гале Галев - иако пообемна и далеку потешка материја, доста порелаксирано. Треба знаење несомнено, ама не е буквалиста човекот. Мене ми падна едно прашање од Наследно право- своерачен тестамент, едно од облигации- цесија и едно од стварно - етажна сопственост. Исто така поставува потпрашања.
За делот кај Сафет - нешто слично како кај Гале Галев. Едно прашање трговски, едно извршна и едно вонпарнична мене ми се паднаа.
Се на се, процесот на учење е тежок, а самиот испит е порелаксирачки од правосудниот во тоа време. Не дека е полесен(исто е, материјата е таа), но самиот начин на спроведување на испитот е подобар, бидејќи нема многу студенти, па не чекаш со часови, да отидеш во 10 а да полагаш во 6 вечер.
Се надевам дека ти помогнав, за се што те интересира подетално слободно прашај. Поздрав
