Се пази на се, али буквално. Многу е битно каква е мајката бидејќи најголемиот дел од работата зависи од неа. Битно е кое легло и е по ред на кучката. Кучките со прво легло обично можат да бидат збунети(као мојава на пример). После раѓањето обично инстинктот проработува и кучката сама си ги чисти кутрињата. Целта е кутрињата што побрзо да дојдат до млеко, тоес до колострум кој го има само во првите 24-48 часа, а е битен бидејќи содржи имуноглобулини, тоес првите одбрамбени антитела на кутрињата.
Поради тоа некаде до првата вакцинација периодот е критичен и самиот пристап до кутрињата и кучката треба да биде минимален,едно поради заштита друго поради тоа што некои кучки се доста нервозни, неповерливи, сепак си ги бранат младенчињата.
Прогледувањето е некаде од 10ден па натаму, зависи кој колку е напреден, Тогаш почуваат и несигурно да се движат, се влечат на стомачињата. Сеуште во овој период главната храна им е milk bar од мама.
Е веќе на 30 ден може постепено да се воведува прихраната. Најчесто тоа е пасирана храна бидејќи запчињата уште се малечки. Одгледувачите користат дехидрат кој е смелен и потопен во јогурт или водичка. Може и мелено месо кое е исто така поразводенето. Мајката сеуште е присутна со нив, движењето е поактивно и почнуваат да истражуваат.
Вакцинација, мислам дека на
линков е доста добро опишано. Една напомена, вакцинацијата може да биде поместена и за една недела, обично секој производител си наведува кога препорачува и како препорачува да се ревакцинира.
Како што раснат, повторно зависно од мајката, секоја различно ќе дозволи да ги храни, бидејќи запчињата сега се како иглички и ја повредуваат. А повреда на нејзиниот мамарен комплекс може да направи проблем. Затоа се оди на дехидрат кој е сеуште потопен со вода. Или приготвена храна која пак не е парче месо кое би го дале на возрасно кутре. Стануваат се поактивни, погласни, се гледаат карактери ит.
Некаде, 3-4 месеци се завршуваат вакцинациите, тогаш веќе зборуваме за прави кутриња, кои веќе се во новите домови. Четвртиот месец веќе почнуваат со менувањето на заби, па глодањето, гризањето, уништувањето е нормално. На сопственикот е да постепено започне да го запознава кутрето со тоа што смее, а што не.
Одгледувач кој е совесен, нема да ви дозволи да земете кутре кое нема примено 2 вакцини. Најголема грешка е земањето на толку младо кутре. Не само поради здравјето, туку и првата социјализација. Мајката и браќата и сестрите во леглото се оние кои сами меѓусебе се корегираат. Сопственикот не е мама, колку и тој да сака. Сепак, и да се земе кутре порано, нека тоа биде со примена прва вакцина и некоја недела фазла, со тоа што новиот сопственик би требал да внимава на тој карантински период помеѓу вакцинациите.
На крај, одгледувањето на легло воопшто не е лесно, првите недели понекогаш бараат 24 часа, поготово ако има некој непланиран проблем, а секогаш ги има. Второ, скапо е, зборуваме ако веќе сакате да ги гледате кутрињата како што треба.
Моја напомена е доколку не сте спремни за многу одвоено време и многу нервози и пожртвуваност, не се нафаќајте. Верувајте, не постои профит во ова, само едвај покривање на трошоците.
Swig ве поздравува