Новитети од нашите издавачки куќи

Член од
21 јануари 2022
Мислења
290
Поени од реакции
1.557
за што поточно се работи во книгава и дали вреди да се чита?
Историски роман е, не ми е читан уште, знам дека претходниот нејзин роман, исто така историски (Ахиловата песна), беше многу баран и читан кај нас и во светот.

Краток опис

Магична книга која ткае поинаква приказна за волшебничката Кирка.

Неугледна, повлечена и без никакви моќи, иако ќерка на богот на сонцето Хелиј и заводливата нимфа Персеида, малата Кирка е осудена на осаменост и потсмев. Но наскоро таа во светот на смртните луѓе ќе ја открие својата волшебна моќ.

Сомничавиот Зевс ја прогонува на еден пуст остров, кој станува нејзино царство. Тука таа ги припитомува дивите животни, ги усовршува своите вражби и се среќава со многу митски јунаци – Дедал и неговиот несреќен син Икар, Минотаур, Медеја и лукавиот Одисеј во когошто се вљубува.

Жената што сака да биде независна е демнета од најразлични опасности. Кирка несвесно си го навлекува гневот и на луѓето и на боговите, а на крај се соочува и со одмаздољубивата божица Атина. За да го заштити најмилото, мора конечно да реши дали местото ѝ е покрај боговите, од кои потекнува, или покрај смртниците, коишто ги засакува.

„Волшебна приказна! Мадлин Милер создала смела феминистичка верзија на класичната приказна; во митскиот свет полн со богови, чудовишта и нимфи, длабоко во себе, главната хероина е иста како секој од нас.“ О магазин „Иако знаеме како сè ќе заврши, оваа сочна приказна, раскажана во нова светлина, е напната и полна со неочекувани елементи.“

Вашингтон пост
Ново издание на класикот на сите класици:

339109071_1289380778316918_830403746389492779_n.jpg
 
Член од
21 јануари 2022
Мислења
290
Поени од реакции
1.557
Уште една неаполска приказна за преминот од детството во светот на возрасните

Убавото лице на 13-годишната Џована почнува да се менува и да огрдува и таа сè повеќе заличува на тетка ѝ. Барем така мисли нејзиниот татко. Но дали таа ги гледа работите такви какви што навистина се? Дали се претвора во Викторија, жена која одвај ја познава, a која нејзините родители очигледно ја презираат? Во кое огледало би требало да се погледне за да се најде себеси и да успее да се засака и да се спаси?

Џована го бара својот одраз во двете линии на нејзиното семејство, во двете крајности на сопствената личност. Растргната меѓу двата спротивни краја на родниот Неапол, меѓу височината и приземноста, префинетоста и вулгарноста, таа се впушта во една мачна потрага по вистината. Проникнувањето во долгогодишните семејни тајни ќе ѝ го открие нејзиното вистинско лице.

Новиот роман на славната Елена Феранте е уште еден доказ за нејзиното ненадминато мајсторство да ги извлече читателите од реалноста и да ги пресели во својот совршено изграден книжевен свет.

„Феранте толку умешно нè вовлекува во тинејџерскиот ум што сето она што изгледа неразумно – променливи расположенија, љубомора, страв, солзи и бес, ни се чини сосем нормално.“

Тајмс, Велика Британија
 
Член од
21 јануари 2022
Мислења
290
Поени од реакции
1.557
Една книга за иднината може да нè заинтересира единствено со тоа колку е веројатно да се остварат нејзините пророштва. A Хаксли во своето животно ремек-дело добро предвидел дека укинувањето на духовните науки и вредности за сметка на материјалните ќе го смени животот од корен. Дали ни се заканува свет составен од бесчувствени луѓе кои личат на машини и се грижат само за социјалната стабилност и опстанокот? Во футуристичкиот свет на Хаксли луѓето се создаваат во лаборатории, секој со однапред предодредена функција и класа. А изолирано од нив живеат нормалните, преостанатите дивјаци. Кога прекрасните нови луѓе ќе дојдат во допир со еден дивјак, започнува вистинското соочување со стварноста. Дистописката визија на Хаксли нè соочува со заканите пред кои е исправено човештвото, со надеж дека ќе нè освести пред нивната можна опасност.
 
Член од
21 јануари 2022
Мислења
290
Поени од реакции
1.557
„Пештера и други раскази“ е збирка избрани раскази од Евгениј Замјатин, еден од најважните руски автори на XX век. Збирката содржи девет раскази од разни периоди на неговото творештво – од неговите авторски почетоци, до подоцнежното творештво – па е интересно да се види авторскиот развој и тематските преокупации на Замјатин. Расказите се тематски мозаик, но сите раскази ги обединуваат луцидноста, уникатното чувство за хумор, честопати жестоката реалистичност во сликањето на настаните, како и гротескноста карактеристична само за Замјатин. Расказите се надополнети уште со два текста, неговата „Автобиографија“, каде што Замјатин ги наведува најважните факти од својот дотогашен живот, како и култното „Писмо до Сталин“, едно од најпознатите писма во руската книжевност.

Превод од руски јазик: Ѓорѓи Крстевски
Број на страници: 188
Едиција: Арс Магна | Формат: 180×110

20230905_132147 - Copy.jpg

begemot.mk
 
Член од
21 јануари 2022
Мислења
290
Поени од реакции
1.557

Kajgana Shop

На врв Bottom