иако не сум должен ништо да ти објаснувам, темава е за нешто друго а не за споредување социјален статус, сепак ке ти кажам... сум бил во ситуации да ги бројам металните парички за да купам леб и млеко... многу добро знам како е да немаш скршен динар... стручно лице како мене во својата професија не се фати за торбата да биде хаус мајстор. кога ми пукна филмот од тоа, не отидов да бидам нелегален мајстор туку си го најдов патот до запад, гастербајтерев некое време па со спечалот отворив фирма тука и легално работам, веќе скоро 15 години... да, за разлика од повеќето во тоа време што изнесуваа од државава, јас внесов некое денарче и почнав од 0 тука, да развивам сопствен мал бизнис, од стручен карактер...
и сега за што уште ке ме нападнеш? не несум дете, веројатно свати... во 4-та декада од животот сум...
Во четвртата деценија од животот си, а сепак се однесуваш како да си сеуште во втората деценија од животот, бидејќи во спротивно, би знаел дека не сите луѓе кои се на прагот на сиромаштијата ја немале, односно ја немаат твојата среќа да заминат на гастербајтерење во странство, па да се вратат со заштедени пари и да си започнат сопствен бизнис.
Но и меѓу тие кои успеале да отворат сопствен бизнис со заштедени пари откако се вратиле од гастербајтерење, не сите ја имале, односно не ја имаат твојата среќа да не им дојде инспекција и да не им го затвори бизнисот за најмала ситница.
Целта на овој закон е продолжување на досегашната политика на актуелната влада за истребување на средната класа, па сега кога сите со завршен факултет, а некои и со завршено средно, почнаа да вадат татарски пасоши и да фаќаат џаде во странство, на ред се тие кои себеси не се гледаат како бизнисмени, туку како локални мајстори кои ќе бидат викнати за поправка на телевизор, телефон, бојлер, шпорет, климатизер, фрижидер, или за молерисање, или за менување на врати или прозорци, или на фасонки, неонки, осигурачи или слични работи за кои баш и не е потребно некое посебно образование, а уште помалку па лиценца.
Целта на овој закон е истребување и на овие малку луѓе кои останаа и сеуште ја одржуваат средната класа во живот.
Со тек на време ќе секнат и парите кои Македонците од странство ги испраќаат на своите семејства, па кога-тогаш, порано или подоцна, ќе ви дојде редот и на тебе и на твојот легален бизнис, но кој ќе те брани тогаш тебе ?
Ти во своја одбрана ќе продолжиш да тврдиш дека работиш легално, но кој ќе ја поткрепува твојата одбрана ?
Како некој кој е во 4-та деценија од својот живот, би требал да ги знаеш зборовите на Мартин Ниемулер, германски лутерански пастир кој е познат по својата изјава за подемот на Адолф Хитлер и на нацистите во Германија, насловена Прво дојдоа:
Прво дојдоа по социјалистите, а јас молчев
бидејќи јас не бев социјалист.
Потоа дојдоа по синдикалците, а јас молчев
бидејќи јас не бев синдикалец.
Потоа дојдоа по Евреите, а јас молчев
бидејќи јас не сум Евреин.
А потоа, дојдоа по мене - и немаше повеќе кој да говори за мене.
Слично како тебе, Мартин Ниемулер на почетокот отворено и јавно ги поддржувал Хитлер, нацистите и нивните политики кога дошле на власт во Германија.
Кога му станало јасно дека поддржува тотално погрешни луѓе, веќе било предоцна за него, бидејќи завршил во концентрационен логор, каде што бил затворен од 1938 до 1945 година.
Но среќата била на страната на Ниемулер, бидејќи успеал да ги надживее Хитлер, Нацистичка Германија, Втората Светска Војна и Холокаустот, па така овој некогашен анти-Евреин станал многу попријателски ориентиран кон Евреите откако со свои очи посведочил за третманот од страна на нацистите кон Евреите во нацистичките концентрациони логори за време на Холокаустот, дочекал длабока старост и починал како слободен човек од природна смрт во 1984 година, на 92 годишна возраст, во Западна Германија.
Што мислиш, кога ќе ти дојде на тебе редот да завршиш и ти исто како и нелиценцираните мајстори кои толку ги нејќеш бидејќи наводно ти го крадат лебот ?
И какви ти се плановите за кога ќе дојдат такви времиња ?
Ќе останеш и ќе го жнееш тоа што си посеал со твојата поддршка кон оваа влада која е заколнат душман на средната класа и на работниците, или бидејќи веќе си бил на гастербајтерење во странство, ќе фатиш џаде надвор од Македонија и ќе ликуваш од надвор, гледајќи низ какви маки поминуваат Македонците поради владините одлуки кои луѓето како тебе ги поддржуваат ?
