Законот има дупки поголеми од кратерите на месечината.
Во конкретниов случај надзорот и забраните се извршени врз основа на член 46 кој се однесува на употребата на јазик и титлови. Проблемот овде е што дел од наведените програми ( Fox, Fox Crime, 24 Kitchen ) постојано имаат само македонски превод, без останати преводи. Не постои никаква основа за нивно исклучување. Врз иста основа е исклучена и Nat Geo иако и таа постојано имаше македонски превод. Но од друга страна пак има странски канали кои се целосно без македонски превод.Пример: Travel HD, Nat Geo - Wild ( со залепен српски превод ), Discovery Science, ID Europe, Eurosport 1/2, SciFi, Universal, Cinemania ( залепен српски превод ), RTL, RTS, Rai...
Според став 4 од член 64 одредбите од став 3 не се однесуваат на музички програми, образовни програми наменети за учење на странски јазици и програми наменети за странци. Никаде не успеав да најдам што всушност се подразбира под програма наменета за странци, но претпоставувам дека се работи за странски национални канали ( RTL, RTS, Rai, HRT ). Но што е со останатите наведени канали? Во која категорија спаѓаат тие и зошто нема забелешки за нив?
Врз каналите кои се забранети со последниот надзор, повеќе од две години се води „хајка“ и се бараат начини да се забрани нивното емитување. Не е првпат да има проблем со Nat Geo, FOX, спортските канали.