Како и сите институции во една држава со системски проблеми, така и основните/средните школи, па и високото образование имаат суштински проблеми кои се само резултат на целокупното опкружување.
Ако погледнам наназад од трите степени на образование најзадоволен сум од основното, од таа причина што јас кога учев (2002-2010) чинам немаше многу глупости, се учеа посуштински работи, на почетокот се разбира со акцент на математика, после тоа од 5то одделение англиски јазик, географија, историја и нешто природни науки. Секако не беше перфектно, имаше многу недостатоци, но би рекол дека во споредба со она денес дека беше идеално.
Имам можност последните две години да работам со дете кое оди во основно училиште од почетните одделенија и запрепастен сум како прво од ниското ниво на знаење кое општо го имаат децата на тие години (8-9 некаде), а предметите и програмата по која учат се ужасни. Од некни задача за домашно имаа да најдат пет вида на чорапи, во истите да внесуваат тегови со одредена маса и да запишат/забележат кој материјал ќе се истегне најмногу
, а тие кутрите уште не разликуваат мерки за должина, тежина и слично. Да не зборуваме за претварање од помала во поголема мерна единица или обратно, научна фантастика е тоа сеуште. А деца на таа возраст би требало барем тоа да го знаат. Не се сеќавам од кога знам дека фудбалското игралиште е 100 метри долго, Струмица-Скопје е 160 км, со кола 2 саата се патува, со автобус 3. Тоа мислам 90% од децата го знаеја, денеска за успех им го сметаат некој ако на 9 години знае да собира броеви до 20 без некои особени проблеми.
Средното си е приказна сама за себе, очајни стручни школи, без никаква пракса, со застарени методи на работа и пред се ужасен кадар. А и како не би бил кога единствен критериум за работа како наставник покрај формалната диплома е што е можно поголема партиска поврзаност со локалната власт. Никакви критриуми за квалитет, никакви оценувања, проверки за дали воопшто одредена личност има капацитет да предава, да пренесува знаење и барем малку да им помогне на учениците да научат нешто.
Високото образование можеби добива најмногу внимание последните години, ама според мене не е местото од каде што треба да почнат да се решаваат проблемите, бидејќи тоа е веќе последниот стадиум, прекасно е овде да се интервенира во некои основни работи. Со квалитетни први два степени на образование, само по себе ќе има позитивни резултати и на највисоко ниво.