Acid
Frontman
- Член од
- 22 јануари 2005
- Мислења
- 35.175
- Поени од реакции
- 34.325
Мислам дека не постои некој кој барем еднаш не се соочил со оваа непријатна појава. Тоа значи дека сигурно сте запознаени со болното чувство, но дали знаете зошто се случуваат, како да ги избегнете и како да си помогнете кога ќе се случат?
Мускулните грчеви или спазми се сосема нормална појава и од неа не се поштедени ниту оние кои не се толку физички активни. Не се нужно поврзани со интензивна физичка активност и ангажман на мускулатурата, но во главно се многу почести кај спортистите, односно кај оние кои спортуваат. Сметам дека со вистинските информации за мускулните спазми, многу едноставно можете да ги избегнете, а и да си помогнете доколку настанат.
Оние кои ги почувствувале, знаат дека мускулните грчеви можат да бидат прилично болни или пак да имаат поблага форма. Понекогаш спазамот може да биде толку јак, дури и да предизвика модринка на кожата, поради стегнување на капиларите. Претставуваат неволна (без наша контрола) контракција на мускулот и може да се јават кај било кој скелетен мускул. Може да траат неколку секунди или пак и неколку минути.
Зошто настануваат мускулните грчеви?
Во медицинското објаснување сè уште постојат неразјаснети причини за нивното настанување, но генерално се прифатени неколку теории. Тука се набројуваат промени во невромускулната контрола, дехидратација на организмот, променет метаболизам на електролитите (јони неопходни за спроведување на електричните импулси во мускулот), промена во тренингот на одредена мускулна група, замор на мускулите или дегенеративни промени на истите. Исто така, и вежбање во топли простории или на претопло време при што се поти организмот повеќе од вообичаено, со што и се излачуваат и електролитите преку потта, доведува до појава на грчевите.
Настрана одредените физиолошки состојби на организмот кој има зголемени потреби од конкретни електролити за нормален раст и развој, редовните вежбачи спаѓаат во чувствителна група и треба да обрнат внимание на внесувањето токму на клучните електролити.
Доколку се обидете сами да се информирате околу настанувањето на грчевите, ќе забележите дека скоро секоја статија што ја обработува оваа тема го осудува отсуството на магнезиумот како главна причина. Меѓутоа, да не заборавиме дека, како што погоре напоменав, во медицинските објаснувања сè уште има недоволно разјаснети механизми за настанувањето на мускулните спазми, така што не можеме да го обвиниме само магнезиумот. Вистина е дека неговиот недостаток се манифестира со почести грчеви, но во електролитната група на метали неопходни за нормална функција на мускулите спаѓаат и калиумот, калциумот и натриумот.
Каде најчесто се јавуваат?
Најчесто мускулните спазми се јавуваат на листот, на стапалото, на внатрешната страна и надворешната страна, и на самиот бут (квадрицепсот), а поретко на абдоминалните мускули, рамото и рацете. Не претставуваат сериозна закана за вашето здравје и често поминуваат сами од себе, оставајќи латентнана болка која подоцна се губи. Настанатиот спазам претставува јака и силна контракција на зафатениот мускул и можете да го ослободите со истегнување или мануелна масажа.
Како да се спречи настанувањето?
Луѓето кои вежбаат ги „трошат" (во позитивна смисла секако) своите мускули и со тоа се изложени на поголема потрошувачка на клучните електролити и, секако, водата. Дури и појавата на спазмите кај вежбачите конкретно се поврзува со дехидратација и губење на електролитите преку потењето. Затоа е особено важно да ја надополнувате водата за време на тренингот. Најдобро е да пиете олигоминерална вода во која се избалансирани односите на сите потребни електролити, а и изотоничните пијалаци можат да бидат од корист.
Исто така, и во состојба на „претренираност“, кога вежбате долго и интензивно, грчевите се дел од општата слика на изнемоштеност и во тој случај, освен добар оброк богат со магнезиум, калциум и многу вода, добро ќе ви дојдат и неколку денови одмор.
Додека пак, за почетниците, доволно е да не ве фаќа паника, бидејќи не е ништо страшно. Сфатете го како „добредојде“ во спортувањето и полека истегнете го мускулот. Мускулите реагираат на секаква промена, и кога многу вежбате, а и кога не се навикнати на физички ангажман
Како да се реагира кога ќе се случат?
Мускулните спазми вообичаено поминуваат без никаков посебен третман, но сепак следете ги овие неколку совети за да си олесните.
Мускулните грчеви за време на вежбањето се избегнуваат со адекватна подготовка пред тренинг, а тоа е истегнувањето! Не само од грчеви, истегнувањето (стречингот) ве штити и од други повреди.
Доколку ве „стегне" токму кога вежбате, прекинете во истиот момент со активноста и истегнете го мускулот. Благо масирајте и брзо ќе помине. Секако, не е причина да не продолжите понатаму со тренингот.
Не заборавајте да пиете многу вода и после тренинзите надополнете ги депоата на електролитите. Можете да консумирате и додатни суплементи на калциум и магнезиум, но претходно консултирајте се со фармацевт или лекар. Добар дел од неопходните електролити можете да ги внесете и преку храната. Сирењето и млекото се одличен извор на калциум и натриум, бананата - извор на калиум, додека пак магнезиумот го има во бадемите и темното чоколадо со висок процент на какао.
И во случај да си го „искомбинирате" изворот во чоколадо со бадеми, тогаш бидете фер и спрема себе, потрудете се повеќе на следниот тренинг
via Марија Симовска / Кајгана
Мускулните грчеви или спазми се сосема нормална појава и од неа не се поштедени ниту оние кои не се толку физички активни. Не се нужно поврзани со интензивна физичка активност и ангажман на мускулатурата, но во главно се многу почести кај спортистите, односно кај оние кои спортуваат. Сметам дека со вистинските информации за мускулните спазми, многу едноставно можете да ги избегнете, а и да си помогнете доколку настанат.
Оние кои ги почувствувале, знаат дека мускулните грчеви можат да бидат прилично болни или пак да имаат поблага форма. Понекогаш спазамот може да биде толку јак, дури и да предизвика модринка на кожата, поради стегнување на капиларите. Претставуваат неволна (без наша контрола) контракција на мускулот и може да се јават кај било кој скелетен мускул. Може да траат неколку секунди или пак и неколку минути.
Зошто настануваат мускулните грчеви?
Во медицинското објаснување сè уште постојат неразјаснети причини за нивното настанување, но генерално се прифатени неколку теории. Тука се набројуваат промени во невромускулната контрола, дехидратација на организмот, променет метаболизам на електролитите (јони неопходни за спроведување на електричните импулси во мускулот), промена во тренингот на одредена мускулна група, замор на мускулите или дегенеративни промени на истите. Исто така, и вежбање во топли простории или на претопло време при што се поти организмот повеќе од вообичаено, со што и се излачуваат и електролитите преку потта, доведува до појава на грчевите.
Настрана одредените физиолошки состојби на организмот кој има зголемени потреби од конкретни електролити за нормален раст и развој, редовните вежбачи спаѓаат во чувствителна група и треба да обрнат внимание на внесувањето токму на клучните електролити.
Доколку се обидете сами да се информирате околу настанувањето на грчевите, ќе забележите дека скоро секоја статија што ја обработува оваа тема го осудува отсуството на магнезиумот како главна причина. Меѓутоа, да не заборавиме дека, како што погоре напоменав, во медицинските објаснувања сè уште има недоволно разјаснети механизми за настанувањето на мускулните спазми, така што не можеме да го обвиниме само магнезиумот. Вистина е дека неговиот недостаток се манифестира со почести грчеви, но во електролитната група на метали неопходни за нормална функција на мускулите спаѓаат и калиумот, калциумот и натриумот.
Каде најчесто се јавуваат?
Најчесто мускулните спазми се јавуваат на листот, на стапалото, на внатрешната страна и надворешната страна, и на самиот бут (квадрицепсот), а поретко на абдоминалните мускули, рамото и рацете. Не претставуваат сериозна закана за вашето здравје и често поминуваат сами од себе, оставајќи латентнана болка која подоцна се губи. Настанатиот спазам претставува јака и силна контракција на зафатениот мускул и можете да го ослободите со истегнување или мануелна масажа.
Како да се спречи настанувањето?
Луѓето кои вежбаат ги „трошат" (во позитивна смисла секако) своите мускули и со тоа се изложени на поголема потрошувачка на клучните електролити и, секако, водата. Дури и појавата на спазмите кај вежбачите конкретно се поврзува со дехидратација и губење на електролитите преку потењето. Затоа е особено важно да ја надополнувате водата за време на тренингот. Најдобро е да пиете олигоминерална вода во која се избалансирани односите на сите потребни електролити, а и изотоничните пијалаци можат да бидат од корист.
Исто така, и во состојба на „претренираност“, кога вежбате долго и интензивно, грчевите се дел од општата слика на изнемоштеност и во тој случај, освен добар оброк богат со магнезиум, калциум и многу вода, добро ќе ви дојдат и неколку денови одмор.
Додека пак, за почетниците, доволно е да не ве фаќа паника, бидејќи не е ништо страшно. Сфатете го како „добредојде“ во спортувањето и полека истегнете го мускулот. Мускулите реагираат на секаква промена, и кога многу вежбате, а и кога не се навикнати на физички ангажман
Како да се реагира кога ќе се случат?
Мускулните спазми вообичаено поминуваат без никаков посебен третман, но сепак следете ги овие неколку совети за да си олесните.
Мускулните грчеви за време на вежбањето се избегнуваат со адекватна подготовка пред тренинг, а тоа е истегнувањето! Не само од грчеви, истегнувањето (стречингот) ве штити и од други повреди.
Доколку ве „стегне" токму кога вежбате, прекинете во истиот момент со активноста и истегнете го мускулот. Благо масирајте и брзо ќе помине. Секако, не е причина да не продолжите понатаму со тренингот.
Не заборавајте да пиете многу вода и после тренинзите надополнете ги депоата на електролитите. Можете да консумирате и додатни суплементи на калциум и магнезиум, но претходно консултирајте се со фармацевт или лекар. Добар дел од неопходните електролити можете да ги внесете и преку храната. Сирењето и млекото се одличен извор на калциум и натриум, бананата - извор на калиум, додека пак магнезиумот го има во бадемите и темното чоколадо со висок процент на какао.
И во случај да си го „искомбинирате" изворот во чоколадо со бадеми, тогаш бидете фер и спрема себе, потрудете се повеќе на следниот тренинг
via Марија Симовска / Кајгана