Ме избркаа од работа затоа што не станав ВМРО

Дискусија во форумот 'Општи муабети' започната од Persey, 7 јуни 2015.

  1. Persey

    Persey

    Член од:
    23 февруари 2008
    Мислења:
    805
    Допаѓања:
    402
    Во изминативе месеци згрозен од неодговорното и насилничко однесување на луѓето кои моментално ги окупираат државните институции на нашата татковина, испаднав на улица да побарам одговорност:

    ОДГОВОРНОСТ за неспособноста на здравствените институции во случајот со деветгодишната Тамара Димовска.

    ОДГОВОРНОСТ за обидот за прикривање на убиството на 22 годишниот Мартин Нешкоски.

    ОДГОВОРНОСТ за монтираните судски процеси иницирани како резултат на политички пресметки со своите политички противници.

    ОДГОВОРНОСТ за изборниот криминал во кој луѓе од Пустец и мртви гласачи прават бугарски возови.

    ОДГОВОРНОСТ за партискиот реваншизам и бркањето од работа на политички неподобните и партизацијата на државната администрација со неспособни партиски послушници кои се таму само за една партија да си добива гласови на избори.

    Во овој период јас бев вработен под договор на определено работно време како музејски водич едукатор во Археолошкиот Музеј на Македонија. На протестите не дојдов ниту да фрлам со домати, ниту да се тепам со полицајци. Испаднав за да им дадам подршка на мајката на Нешкоски и мајката на Тамара, бидејќи нејќам да живеам во држава во која тоа што им се случи на нивните деца утре би можело да им се случи и на моите или на било кое дете кое живее во оваа земја. Иако не ги познавав сметав дека е моја граѓанска должност како нивен сограѓанин да им се придружам во моментите кога на овие луѓе им беше најтешко. Мислев и сеуште мислам дека во ваков тоталитарен систем единствен начин за правдата да испадне на виделина е преку граѓански отпор. Кога неправдата станува закон, отпорот станува граѓанска должност.

    Драги читатели поради овие мои ставови од вчера јас повеќе не сум дел од тимот на НИ Археолошки Музеј на Македонија. Зошто? Ако мислевте дека не се ништо посериозно сите оние телефонски разговори во кои високи државни функционери се закануваат со губење на работни места на своите политички неистомисленици вработени во државната администрација, тогаш сте се излажале. Јас тие закани и притисоци ги чувствував веќе неколку месеци врз моја кожа за на крајот да ескалираат со мое отпуштање од работа.

    За да работи во Археолошкиот Музеј на Македонија човек мора да се откаже од размислувањето со сопствена глава и да почне да го позајмува она од партијата на власт.

    Од самата директорка на споменатата институција бев опоменат неколку пати дека и покрај тоа што одлично си ги извршувам работните обврски, моето однесување надвор од работното место и моите статуси на фејсбук се неприфатливи за институцијата во која работам. Не било во ред да плукам врз оние што ме ранеле, и требало убаво да размислам како ќе продолжам да се однесувам доколку сакам да продолжам да работам во таа институција.

    На опомените одговорив, дека ми е смешно некој да ме опоменува за тоа што го правам во мојот приватен живот. Доколку тие опомени беа за каснење на работно место, за непрофесионално извршување на моите работни обврски, за било што што се однесува за мојата работа во музеј, јас би се поправил, но апсолутно никој нема право да ми кажува како да мислам, во што да верувам, за кого да гласам на избори, каква музика да слушам, или каде да ставам лајкови на фејсбук. Јас бев вработен на позицијата музејски водич едукатор и имав за задача на посетителите да им го доловам богатото културно наследство на нашата татковина. Јас не бев вработен на позицијата партиски потрчко на ДПМНЕ. Мене Груевски не ме ранеше, мене ме ранеше мојата посветеност и љубов кон работното место.

    На овој мој став ми беше одговорено со зборовите: Мартине ние не сме Шведска, мора да се привикнеш на државата во која живееш.

    Тоа е и проблемот, што сакам да живеам во Македонија а да се чувствувам слободен како во Шведска. Можам но нејќам да си заминам од оваа држава, сакам тука да направам своја фамилија на која ќе и обезбедам сигурна иднина. Главна пречка за тоа се оние што моментално се наоѓаат на власт.

    [​IMG] [​IMG]

    За лицемерието на директорката да биде поголемо на 05 овој месец ги свика сите 11 души кои од Октомври 2014 година работевме во Археолошкиот Музеј на позицијата музејски водич едукатор. Почна да чита имиња и презимиња од кои четворица никогаш не беа прочитани и го изгубија работното место. Меѓу избришаните бев и јас, веднаш станав, се насмевнав, и си заминав. Знаев дека беше само прашање на време кога. Во лифтот на искачање од еден од вработените наместо срдечен поздрав ми пренесе дека долга била раката на ВМРО. И стварно била долга, а тоа се гледаше во оние што останаа на работа. Тоа беа оние кои наместо на работно место во музеј имаа партиска обврска секојдневно да се појавуваат во шаторите пред Собранието на Македонија. Додека они кампираа и сеуште кампираат за задоволувањето на суетата на нивните партиски наредбодавачи, ние другите работевме во музејот, имавме дупло ако не и тродупло повеќе тури со кои посетителите ги запознававме со богатото културно наследство на нашата држава. За жал кога дојде времето на кастрење за директорката повреднувани беа партиските потрчковци него ли музејските водичи.

    Некој сега ќе праша а зошто воопшто кастрење на работни места во институција која почна да работи пред нецели седум месеци.

    Драги читатели Археолошкиот Музеј на Македонија е на раб на банкрот. Овој наш музеј нема финансиски средства ни за тоалетна хартија камоли пак пари за да ги плати сметките за струја или исплати своите вработени. Од седум месеци работа имам земено само три плати. Посетеноста на музејот е минимална, по одвај четириесетина посетители секој ден. Маркетингот речиси и да не постои, сосем разбирливо кога ќе имате во предвид дека главно и одговорно лице за маркетингот на целиот музеј е една персона која со цел памет тврдеше дека во саркофагот изложен во Археолошки почивале и коските на Александар Македонски, та затоа и се нарекувал Александров. Додуша нормално е тоа за нашево опшество бидејќи таа персона била вработена во нашиот археолошки музеј како заслуга за “патриотската борба“ на нејзиниот маж кој како главен и одговорен уредник во својата емисија носи стручњаци кои ни раскажуваат како бог ги создал Македонците во десетиот ден.

    Археолошкиот музеј нема означени правци за движење, нема ознаки за хронолошки периоди ниту пак информативно едукативни табли за тие периоди, ниту пак има план на просторот за да знаете каде се наоѓате. Додуша има водичи, но од оние што останаа само за еден може да се каже дека колку толку знае англиски. Другите не знаат да сврзат ни просто проширена реченица. Со среќа нека им е понатамошната работа, на странците дефинитивно ќе им биде забавно.

    Археолошкиот музеј нема ни било каква интернет социјална или печатена маркетинг пенетрација. Музејот нема ни едно обично флаерче на кое би ги пишувало најбитните информации за работно време, телефон за контакт, ценовник. Нема ни знак за влез, или излез. Легендите во витрините кои би требало на посетителот да му кажат каде се откриени, од кој век потекнуваат и што претставуваат артефактите изложени во нив, се или грешни со испомешани бројчиња, или премногу ситни и недоволно осветлени па никој неможе да ги прочита камоли разбере, или пак воопшто ги нема. Сите видео проектори кои наводно би требало да покажат дека музејот е во чекор со модерната музеологија уште од самото свечено отворање се прегорени и вон употреба главно поради погрешно поставена електрична инсталација. Прашината е насекаде, од три хигиеничарки само една работи, а причината е бидејќи само она нема партиска книшка, та само она се плаши за своето работно место, и мисли дека трудот е она што ќе ја спаси.

    Кај е директорката во целата работа? Знае ли таа за сите овие работи?

    Знае верувајте многу добро знае:
    Знае и за списоците со кои штиклираше присуство на своите вработени на митингот на ДПМНЕ на 18 Мај,
    Знае и за специјалниот статус кој го уживаат сите здруженија на УМС на ДПМНЕ на ниво на цела република кои кога сакаат можат бесплатно да си влезат и да се шетаат околу музејот, како они да не се обични граѓани туку некоја буржоазија со сина крв.
    Знае и за тоа дека 90 посто од администрацијата не и работи ништо туку функционира на принципот примај плата клати врата, само бидејќи мислат оти партиската книшка а не работните обврски се единствениот критериум како да ја задржат својата позиција.
    Знае дека и златната маска и нараквица и се копија, како и што и се копии и скулптурата Венера Пудика, Големата Мајка од Тумба Говрлево, Адамот од Говрлево, архитравната греда од Исар Марвинци, и голем број други наоди бидејќи очигледно никој не верува во нејзината способност овие значајни артефакти научно и професионално да ги презентира пред пошироката јавност.

    Директорката наместо да го средува музејот побитно и е дали ќе биде видена во првите редови на некој партиски митинг, или колку ќе биде лајкуван некој нејзин фејсбук статус во кој ги воспева догмите на ДПМНЕ. И пак сето ова е нормално за нашево опшество бидејќи очигледно партиската книшка е единствениот критериум поради кој она воопшто дошла до позицијата до која дошла.

    За жал нашиот музеј и покрај големиот број на пари фрлени за него не нуди, како што смета неговата директорка, „една голема вистинска приказна, заснована на една величествена историја“, тука го експонира/соголува нашето денешно незнаење и неумешност, шарлатанство и самобендисаност. Ние сме само лоша копија на современите европски култури, а за музеологија не умееме ни да мислиме, камо ли да ја (с)работиме. Таму, во таа наша македонска „музеологија“, очигледно царува вечна ноќ, како и во новиот Археолошки Музеј на Македонија, кој за жал е само фабрика за партиски гласови на избори.

    Драги читатели и граѓани на оваа држава. Моето име е Мартин Стефановски. Немам партиска книшка ниту планирам некогаш да земам. Сакам да успеам во животот со мои раце и мој мозок без да позајмувам од партијата. За жал државните институции ни се киднапирани од партиски насилници и тие во заложништво го држат нормалниот живот на граѓаните во оваа држава. Поради тоа јас продолжувам да доаѓам секој ден во 6 пред Владата на Република Македонија бидејќи сакам да живеам во нормална држава каде слободно и непречен од никого ќе имам услови да оформам семејство на кое ќе му обезбедам среќен и нормален живот.
     
    На IspT, DanielDacko, Igorcemk и уште 123 други им се допаѓа ова.
  2. Ilumious

    Ilumious Патник, педер, поет, администратор, масон

    Член од:
    29 јануари 2007
    Мислења:
    68.055
    Допаѓања:
    129.324
  3. Scirea

    Scirea Старата Дама

    Член од:
    4 август 2010
    Мислења:
    14.974
    Допаѓања:
    27.999
    Жена му на Јанко Илковски...? :eek:
     
    На Ернесто ЧЕ Гевара и LordDragonII им се допаѓа ова.
  4. Stefan-kobe

    Stefan-kobe

    Член од:
    23 август 2010
    Мислења:
    22.986
    Допаѓања:
    44.332
    Тоа е македонската жална вистина... Колегиве што беа со мене на факс дипломираа во рекорден рок со просек од над 8.5 и еве ги година и пол се без работа а аплицираат на секој можен оглас. Али њама книшка њама работа, нажалост.

    Леле некој кога ќе слушнам да збори у стилу: Ајде бе па зошто да си идете од државава, ради такви ко вас ни се дешаваат вакви работи..., абе ми иде да повратам, ко тука ружи да цветаат па ај не знам зошто си идат младиве. Сите треба да гледаат да фатат магла од ова мртвило овде, зашо освен роб ништо не можеш да станеш, освен ако не пушиш курови на одредени дегени со партиски ознаки.
     
    На Ciudad Juarez, Meh, Makaron и уште 8 други им се допаѓа ова.
  5. HoT IcE

    HoT IcE Гостин

    Жал ми е за тебе Мартин, особено што мора на ваков начин да се свестиш во какво општество живееш.
    И јас го делам истиот став со тебе дека партиска книшка нема да земам, и искрено се плашам дали воопшто ќе најдам работа. Ама секако прв план ми е да бегам од мизеријава, не да останам овде.
     
    aleks1111, Ashburton Grove, Peja989 и на уште 1 друга личност им се допаѓа ова.
  6. Saladin

    Saladin

    Член од:
    5 февруари 2007
    Мислења:
    9.777
    Допаѓања:
    9.830
    Оваа состојба не е нова, но сметам дека на народот им се потребни што повеќе вакви животни стории за да присобере храброст за да го искаже својот со децении наталожен револт.
    Мило ми е што лека полека се свестуваме.
    Не ми е мило што мораше до ова дереџе да дојдеме.
     
    На Borg_Drone, Ciudad Juarez, arakenx и уште 2 други им се допаѓа ова.
  7. Едмонд Дантес

    Едмонд Дантес

    Член од:
    30 август 2011
    Мислења:
    215
    Допаѓања:
    493
    Ајде се чека некој да го скрши мразот и да каже дека од секогаш било така овде и дека по таа логика е ок :)
     
    На Makaron, Curious, beneamata и уште 2 други им се допаѓа ова.
  8. Fenix955

    Fenix955

    Член од:
    30 ноември 2011
    Мислења:
    655
    Допаѓања:
    149
    Се знаеше за овие ствари одамна само што еве јавно :D вака ги држат овците на број браво за човеков
     
  9. Олимпија

    Олимпија Македонија во срцето!!!

    Член од:
    26 март 2008
    Мислења:
    5.603
    Допаѓања:
    9.038
    Коа болесници и психопати ни ја водат државава златен кадар ќе си бега од неа. Многу ми е жал не само за тебе туку и за сите кои мора да трпат вакви притисоци и трауми и тоа за никаква плата т.е неисплатени плати. Ги жалам оние кои трчкаат за таа пуста партија имаат мозок и капацитет а волонтираат со години за 4000 денари :place: И некој ги уценува дека мора да се појавуваат по митинзи, да ги величаат на фејсбук, да трчаат у штаб и да лепат плакати а со месеци да не им ги исплаќаат ни тие бедни 4000 денари за волонтирање.
    Добро е што сеуште има луѓе со свој став, мислење и без партиски книшки. Таквите секогаш повеќе успеваат во животот за разлика од тие со перен мозок.
     
    На Боромире, Meh, Makaron и уште 17 други им се допаѓа ова.
  10. PancoSK

    PancoSK

    Член од:
    29 август 2009
    Мислења:
    291
    Допаѓања:
    403
    Најжалосно е што и во приватниот сектор почнува влијание да има партиската книшка.
     
    На DanielDacko, fiorela4, DracevoTheCity и уште 3 други им се допаѓа ова.
  11. true blue

    true blue

    Член од:
    21 мај 2008
    Мислења:
    7.155
    Допаѓања:
    7.362
    Или на Слободан Томиќ.
     
    На Scirea му/ѝ се допаѓа ова.
  12. мкд владе

    мкд владе Гостин

    Член од:
    21 ноември 2009
    Мислења:
    8.506
    Допаѓања:
    4.980
    Што бе браво за човекот. Што од кога го спашкаја почна да плачи и да кука. Што не си замина сам ако му било толку лошо како што кажува, башка и без плата толку месеци, туку чекал да го избркаат. Можеби за љубов према државата работел за безпари или сепак државно си е државно. Еден карактер што да ти расправам. Ако бил карактер ке си заминел сам , а не вака трпел трпел( наводно) и сега го избркале од Х причини па отпосле му текна дека условите биле лоши. Пред тоа никаде го немаше да се пожали.
    П.с ете го скршив мразот.
     
    На The Blob, stratUs и Del Boy им се допаѓа ова.
  13. MonaLiza

    MonaLiza

    Член од:
    28 јануари 2015
    Мислења:
    406
    Допаѓања:
    2.799
    Јас порано кога го слушав муабетот дека нив не им треба да вработуваат паметни луѓе, туку така понаивни и поглупички за да можат да ги командат нели, не го сфаќав толку озбилно муабетот. Ама сега кога завршив увидов дека е стварно така и дека ваљда гледано од тој аспект никад нема да се вработам по струка, со оглед на тоа шо сум таков карактер да сигурно нема да прифатам да се бламирам секојдневно споделувајќи пофални содржини на фејсбук пример, за тоа шо демек сработиле, а не сработиле.. Три месеци бев волонтер во владата и мислам дека тоа беа најтешките месеци на глумење лудило од моја страна дека за се се у право :D Е вториот пат кога се пријавив на интервјуто бев премногу директна за тоа шо не ми се допаѓа и не ме ни викнаа :D
     
    На Antigona, ManowaR, Makaron и уште 2 други им се допаѓа ова.
  14. Олимпија

    Олимпија Македонија во срцето!!!

    Член од:
    26 март 2008
    Мислења:
    5.603
    Допаѓања:
    9.038
    Со глупоќа :tapp:
     
    На Igorcemk, Боромире, moni <3 real и уште 34 други им се допаѓа ова.
  15. Saladin

    Saladin

    Член од:
    5 февруари 2007
    Мислења:
    9.777
    Допаѓања:
    9.830
    Ај мајката.....
    Ако напуштел е соросоид, ако не, тогаш е глуп.
    Значи не ми се верува колку ниски удари употребувате сите вие кои ја бранат врхушката тука.
     
    На Ернесто ЧЕ Гевара, Meh, Makaron и уште 5 други им се допаѓа ова.

Сподели преку: