Нетокму? Хаха! Џордано Бруно, италијански филозоф од XVI век (и поранешен католички свештеник) бил запален на клада од страна на црквата заради придржувањето кон неговите тогашни неортодоксни верувања - вклучително и идеите дека универзумот е бесконечен и дека постојат и други соларни системи.
Не би рекла дека механизмот изворно содржел само два запчаника кои се вртат. Преведено од „Смитсонијан“, напис кој беше наведен и во воведниот пост, за оние кои
навистина ги интересираше да прочитаат:
Експертите работеа на дешифрирање на натписите скриени во механизмот, особено за да ги разберат исчезнатите парчиња на механизмот, меѓу кои некои се и комплетно уништени, а некои се веројатно сè уште на дното на морето. Иако покажувачите на предното лице на механизмот не преживеале, Александер Џоунс, историчар на Институтот за проучување на античкиот свет во Њујорк, вели дека еден натпис открива дека носеле обоени топки: огнено црвена боја за Марс, а златна за Сонцето.
Исто така, недостасуваат деловите што ги движеле планетарните покажувачи, што доведува до дебата за тоа како точно се движеле. Бидејќи планетите орбитираат околу Сонцето, кога се гледаат од Земјата, тие изгледале како да талкаат напред и назад на небото. Грците ова движење го објасниле со „епицикли“, мали кругови суперимпонирани на поголема орбита. Според Мајкл Рајт, поранешен кустос во Лондонскиот научен музеј, кој го проучувал механизмот подолго од секого, механизмот прикажувал епицикли со мали запчаници кои се движеле околу поголеми.
Други натписи навестуваат каде е направен механизмот: Пол Ајверсен, класичар на универзитетот "Case Western Reserve" во Кливленд, известува дека календарот вклучува имиња на месеци користени во Коринт и неговите колонии во Северозападна Грција. Механизммот бил направа која го прикажувала времето на случувањето на поголемите атлетски фестивали во античка Грција, вклучувајќи ги и Олимписките игри, меѓу другите. Можеби механизмот потекнал од Родос и бил истоварен на брод кон север. Античкиот филозоф Посидониј имал работилница во Родос, која можела да биде изворот за него, имено според Цицерон, Посидониј направил сличен модел на небесата во првиот век п.н.е.
Традицијата за правење вакви механизми би можела да се лоцира и многу пред него. Цицерон напишал за бронзен уред направен од Архимед во III век п.н.е. И Џејмс Еванс, историчар по астрономија на Универзитетот Puget Sound во Такома, Вашингтон, смета дека застапениот епициклусот кој е претставен на механизмот е всушност со вавилонско потекло и започнат во 205 година п.н.е. Можеби самиот Хипарх, астроном од Родос кој работел околу тоа време, ја развил математиката која стоела зад механизмот. Тој е познат по тоа што ги измешал аритметичките предвидувања на Вавилонците со геометриски теории фаворизирани од страна на Грците.
Без оглед на сè, механизмот Антикита докажува дека античките Грци користеле сложени аранжмани со прецизно исечени тркала за да ги претстават најновите научни сознанија. Механизмот е истовремено и прозорец кој ни прикажува како Грците го гледале и сфаќале универзумот. Тие верувале дека природата работи според претходно дефинирани правила, како машина - пристап којшто ја формира и основата на нашите современи научни ставови. Едмундс тврди дека оваа „механичка филозофија“ мора да се развила како двостран процес. Античките механизми што ја претставувале вселената изведени во бронза, не само што моделирале астрономски теории, туку и ги инспирирале.
Некои современи реконструкции на механизмот:
Прегледај го приврзокот 248643
Прегледај го приврзокот 248644
Прегледај го приврзокот 248645
И кратко видео за механизмот, иако погоре беа наведени и други:
