- Член од
- 24 јануари 2008
- Мислења
- 1.135
- Поени од реакции
- 140
МАРKЕТИТЕ СТАНУВААТ ПРОИЗВОДИТЕЛИ
Трговските синџири „произведуваат“ најевтино
Според неофицијалните податоци, производите наменети за одреден маркет, со неговото лого, се најпродавани во последниве две години
Ајвар, краставички, слатко пакувано за познат синџир маркети со негово лого, но и шеќер, брашно, леб. Производителот е од Македонија, производите се добро познати, со препознатлив вкус, но цената е од 10 до 30 отсто пониска ако производот го купите со логото на трговската марка. Според неофицијалните податоци, токму производите што се наменски произведени за одреден маркет, со неговото лого, се најпродаваните во последниве две години. Според истата статистика, нивната продажба секој месец се зголемува, па тоа е причината поради која и производството на овие артикли се проширува. Граѓаните што ги затекнавме вчера меѓу рафтовите на маркетите велат дека с` почесто се одлучуваат за овие производи.
- Ако порано со резерва гледав на производите што се продаваа со логото на маркетот, сега с` почесто ги купувам. Еве, гледате дека во кошничката имам шеќер, брашно и колачи кои се произведени со логото на маркетов. Шеќерот е 41 денар, а следната цена по која може да го купите е 44 денари за истата количина. Нивното брашно тип 400 е 40 денари, а она слично по квалитет од друг производител е 46 денари за килограм. Денар по денар, ако соберете с`, ќе видите дека се исплати - вели скопјанката Јасмина Трајкова.
Во големите маркети не сакаат официјално да зборуваат за производите што се продаваат под нивно лого. Неофицијално потврдуваат дека тоа се најпродаваните производи. Ако прошетате по рафтовите, може да забележите дека со логото на маркетот се продава речиси с`. Од леб, преку тестенини, до конзервирани производи, шампони, омекнувач за алишта за перење, па и чепкалки за уши.
Лебот е поевтин за 2 денара, „смоките“ за 3 денари, кексите со желе од портокал за 10 денари (бидејќи немаат картонска амбалажа), омекнувачот за алишта за 20 денари, сирењето за 30, а ајварот за цели 40 денари.
Ако го видите производителот, ќе сфатите дека е добро познат и дека ги има истите производи со свое лого. Вака гледано, излегува дека тој сам на себе си прави конкуренција. Но, според производителите, економската логика во производство за познат синџир е во количината што ја нарачуваат.
- Производите што ги правиме за маркетите со нивно лого не се со послаб квалитет, ниту пак им недостига нешто. Цената е пониска бидејќи количината што ја произведуваме за нив е поголема, а тие додаваат и пониска маржа. Од друга страна, пакувањето е различно и малку од купувачите се интересираат за производителот, па не прават споредба дека истите колачи ги има и под друго име. На сите во последно време им е битна цената - велат некои од производителите на кондиторски производи што работат за трговските синџири.
Експертите сметаат дека ова е светска практика.
- Ако пред неколку години на граѓаните им беше битно да купат познат бренд на прашок за перење или сакаа да се засладат со колачи чие име значеше квалитет, сега бараат што е поевтино. Не е ни чудно што најпродавани се производите со лого на маркетите, бидејќи имаат пониска цена. Се надевам дека за неа купуваат квалитет и дека на тие производи ништо не им недостига - велат економистите.
Во Организацијата на потрошувачи на Македонија велат дека досега никој не се пожалил за овие производи. Дури граѓаните имаат пофални зборови кога е цената во прашање.
Производителите велат дека ако се раководат по светските трендови, кои во последно време ги практикуваат големите синџири маркети, не е далеку денот кога од трговските синџири ќе им стигнат нарачки за производство на шампон за едно миење или прашок за едно перење.
Валентина Ангеловска
Извор: Дневник
Трговските синџири „произведуваат“ најевтино
Според неофицијалните податоци, производите наменети за одреден маркет, со неговото лого, се најпродавани во последниве две години
Ајвар, краставички, слатко пакувано за познат синџир маркети со негово лого, но и шеќер, брашно, леб. Производителот е од Македонија, производите се добро познати, со препознатлив вкус, но цената е од 10 до 30 отсто пониска ако производот го купите со логото на трговската марка. Според неофицијалните податоци, токму производите што се наменски произведени за одреден маркет, со неговото лого, се најпродаваните во последниве две години. Според истата статистика, нивната продажба секој месец се зголемува, па тоа е причината поради која и производството на овие артикли се проширува. Граѓаните што ги затекнавме вчера меѓу рафтовите на маркетите велат дека с` почесто се одлучуваат за овие производи.
- Ако порано со резерва гледав на производите што се продаваа со логото на маркетот, сега с` почесто ги купувам. Еве, гледате дека во кошничката имам шеќер, брашно и колачи кои се произведени со логото на маркетов. Шеќерот е 41 денар, а следната цена по која може да го купите е 44 денари за истата количина. Нивното брашно тип 400 е 40 денари, а она слично по квалитет од друг производител е 46 денари за килограм. Денар по денар, ако соберете с`, ќе видите дека се исплати - вели скопјанката Јасмина Трајкова.
Во големите маркети не сакаат официјално да зборуваат за производите што се продаваат под нивно лого. Неофицијално потврдуваат дека тоа се најпродаваните производи. Ако прошетате по рафтовите, може да забележите дека со логото на маркетот се продава речиси с`. Од леб, преку тестенини, до конзервирани производи, шампони, омекнувач за алишта за перење, па и чепкалки за уши.
Лебот е поевтин за 2 денара, „смоките“ за 3 денари, кексите со желе од портокал за 10 денари (бидејќи немаат картонска амбалажа), омекнувачот за алишта за 20 денари, сирењето за 30, а ајварот за цели 40 денари.
Ако го видите производителот, ќе сфатите дека е добро познат и дека ги има истите производи со свое лого. Вака гледано, излегува дека тој сам на себе си прави конкуренција. Но, според производителите, економската логика во производство за познат синџир е во количината што ја нарачуваат.
- Производите што ги правиме за маркетите со нивно лого не се со послаб квалитет, ниту пак им недостига нешто. Цената е пониска бидејќи количината што ја произведуваме за нив е поголема, а тие додаваат и пониска маржа. Од друга страна, пакувањето е различно и малку од купувачите се интересираат за производителот, па не прават споредба дека истите колачи ги има и под друго име. На сите во последно време им е битна цената - велат некои од производителите на кондиторски производи што работат за трговските синџири.
Експертите сметаат дека ова е светска практика.
- Ако пред неколку години на граѓаните им беше битно да купат познат бренд на прашок за перење или сакаа да се засладат со колачи чие име значеше квалитет, сега бараат што е поевтино. Не е ни чудно што најпродавани се производите со лого на маркетите, бидејќи имаат пониска цена. Се надевам дека за неа купуваат квалитет и дека на тие производи ништо не им недостига - велат економистите.
Во Организацијата на потрошувачи на Македонија велат дека досега никој не се пожалил за овие производи. Дури граѓаните имаат пофални зборови кога е цената во прашање.
Производителите велат дека ако се раководат по светските трендови, кои во последно време ги практикуваат големите синџири маркети, не е далеку денот кога од трговските синџири ќе им стигнат нарачки за производство на шампон за едно миење или прашок за едно перење.
Валентина Ангеловска
Извор: Дневник