Мариово е приказна за себе.
Пропаѓа од многу причини.
Населението е со старосна структура над 55 години.
Во 9те села во Битолско Мариово живеат 100тина жители.
Селата се исселувани и демографските движења направиле во села каде училиштата се по 1500 м2 во основа да станат празни рушевини од камен во планинско ридскиот предел.
Напаѓано од криминалци, трагачи по скриените богатства од воените периоди, Мариово го губи животот.
Со столетија е етнички македонски крај.
Има нерешени имотно правни прашања. Во времето на СФРЈ имотите се доверени на некоја тогашна структура за Мариовци да остваруваат права за плати и пензии, што направи овие луѓе да немаат тапии од имот.
На бирото на бившиот министер Спасеновски се најде интересен проект за заживување на Мариово. Идејата опфаќаше кредитирање на млади брачни парови кои би се изјасниле како фармери. Со изготвување на посебна програма со која на младите фармери ке им се загарантира рентабилност од одгледувањето на стока. Младите фармери, со оснивање на фармерско село би го заживеале Мариово, а и самата атрактивност за туризам. Оваа идеја не се знае каде завршила.
Мариово е извор на идеи но дефицитот на лоби група и висока менаџерска свест генерално кај нас го остава Мариово на милост и немилост.
Налетав на една смешна идеја- чајна јапонска кујна. Во Мариово се направи македонска, па ајде сега и јапонска. Но, низ приказните има уште една добра идеја која ако се обработи сериозно може да биде нова атракција во државата, Споменувано е дипломатско село, кое би требало да собира странци дипломати на рекреација и одмор. Но, ако се стави акцент на првата светска војна и остатоците во Мариово, еве го дипоматското село- клучот е во земјите учеснички на фронтот. Секоја држава од учесничките по една куќа, а во текот на каендарска година да доаѓаат волонтери кои ќе го испитуваат и истражуваат Мариово. Секоја куќа со музејска постава, како знак на воените дејствија.
Мариово е добра дестинација за воздушна бања, за лов, за спа центри, за мочуришта и насадување на редок биодиверзитет, за прогласување на национален парк, за уметнички и фотографски колонии. За манастирски туризам, речен и авантуристички прошетки, како и пештерски туризам, бидејки обилува со технички пештери на кота 860 и кота 1050 кои се стари околу 100 години и имаат понеколку нивоа- ката.
Белиот орел е раритет но капацитетот на надлежните не допрел до Рамсарската конвенција.
Подобар соган од ЗНАЕЊЕТО Е СИЛА И МОЌ - за целиот свој живот не сум слушнала. Но, една ластовичка не прави проет. Тешко е кога не зборуваат сите на ист јазик. Но, Мајка Тереза имаше многу мудра порака, сеедно дали те разбираат и почитуваат- создавај и помагај!