http://www.kanal5.com.mk/default.aspx?mId=37&egId=13&eventId=62983
Македонското знаме развиорено на сред Солун, хакерски упад на Гугл Ерт
Македонското знаме се вее во центарот на Солун до Беаскуле на 3-де анимацијата на google earth. Сликата денеска ги преплави грчките сајтови,кои ја карактеризираа како нова провокација од Скопје.
Знамето го вметнал извесен Јови од Охрид пред 10-ина дена. Тој виртуелно го преземал знамето од центарот на Охрид и го поставил во центарот на Солун. Според солунскиот весник Македонија, грчките министерства за надворешни и внатрешни работи испратиле протесна нота до Google. И се очекува денеска, како што велат, да биде исправена грешката.
"Додавањето на знамето на Скопје во тро-димензионалната мапа на електронски сајтот Google Earth е уште еден смешен обид да се оспори грчкиот карактер на Македонија“ – вели заменикот министер за надворешни работи на Грција. Теодора Ѕакри, за весникот Македонија додава дека грчкото МВР во соработка со Министерството за надворешни работи комуницирале со Google за да се отстрани сликата.
Реагираа и градоначалникот и перфектот на Солун, но и политичкиот свет од Северна Грција. Сликата со македонското знаме во Солун ја сметаат за провокација., а одат дури до таму што велат дека преку еден интернет корисник Македонија се обидува да шири пропаганда. :pos2:
Кандидатот за градоначалник на Солун, Костас Јулекас, се прашува дали можеби ова е смислен акт од, како што вели за весникот Македонија, македонските центри кои и во минатото се обиделе да провоцираат на ваков начин.
-Треба да реагира и Владата, секоја провокација треба да добие соодветен одговор – смета потенцијалниот градоначалник на Солун, од Неа Димократија.
Сања Ристовска- дописник од Атина
Брее што мерак ми се напраи 
