Уставот на Р.М. предвидува поделба на власта во Македонија на извршна, законодавна и судска. Секоја власт претставува контролор на останатите две, секоја од нив има своја укинатна функција и во симбиоза со останатите две се формира целосен правен систем.
Во секоја земја од светот цел на извршната власт е да може да врши контрола врз законодавната и судската власт, проблемот е што во Македонија целосно им успеа. Институциите се политизирани, судовите исто така, и најстрашно е што народот и обичниот граѓанин е „обоен“ и изнесува ставови кои му се него сервирани од страна на политичката партија, зборам и за позиција и за опозиција.
Така што, тука веќе не можеме да збориме за правна разрешница на било што а камо ли за случај од такви размери како бомбите на Заев и криминалите на Груевски. Бомбите можеби се незаконски набавени и презентирани, тоа не знаеме а се надевам ќе дознаеме, али содржината што сите ја слушнавме е фрапантна, бизарно луда. Во секоја нормална држава ќе се отвореше масовна и крајно сериозна истрага и до завршување на истата ќе имаше стагнација на политичката сцена, па на крајот ќе си ги мереа стојковците политички. А они што направија? И двајцата искачаат јавно паламудат и останува ние како граѓани меѓу себе да се заколеме и караме. А ние офци класични кампуваме, се псуеме, си играме демократија.
Да потсетам само, ВМРО дојде на власт во толкаво мнозинство само заради одбивноста од тогашноста власт на чело со СДСМ. На луѓето им беше скиснато од плавите па се фати за сламката на спасот во форма на ВМРО. Сега се случува обратното... бизарно нели?
Јас дефинитивно сакам промена, што побрзо тоа подобро. Али вистинска промена, која за жал не ја гледам на повидок. Доста ми е од старите лоши црвени и плави.
И да има избори, ВМРО ќе ги искористи сите сили во форма на притисок и присила да натера гласачи со закани за бркање од работа, уништување на човечки животи повторно да победи, тоа и е можно сценарио.
СДСМ се надевам ќе понуди добра понуда во текот на предизборната кампања. нешто повеќе од празни ветувања - ние ќе ја опраиме државата, минативе ја зезнаа ние идеме напред.
Круцијална е вистинска реформа - да се обезбеди инстиционална правда, правна држава. поделба на власта, вадење на политиката надвор од секојдневното живеење, работа за младите, мир за старите и дефинитивно - Европска Унија. Не сме уште способни да имаме политичари кои колку толку ќе го подобрат животот во нашава држава, мора да има некој што ќе претставува тоа што е наслов на темава - народен суд, само овој ќе биде Европски суд за правда во Луксембург.