Не Милевски, Пеп Гвардиола да е на чело, играта и резултатите ќе бидат идентични. Едноставно, овој тим зенитот го достигна на Европското првенство. Толку. Фудбалерите се лоши, потпросечни и просечни. Еден Адеми е добар фудбалер и еден Елмас е демек добар фудбалер, нешто кое сите го чекаме уште од Работнички. Настапот на ЕП претставуваше илузија во очите на навивачите и јавноста.
Па кога ќе прочитам, да се врател Мрме. Мрме не треба да ги пизми, Мрме како потпросечен тренер (способен, рака на срце, да мотивира соблекувална и да држи распашана банда заедно со Пандев малку подисциплинирано) треба секој ден свеќа да му пали на Сејдини и бандитите од ФФМ. Му ја продолжија кариерата со отказот, барем некој Катар може ќе лапне во иднина, ќе спечали денар. Сега слободно може да рече дека игравме на ЕП со него и победнички ни крив, ни должен, да го затвори тоа поглавје.
Кога сме кај благодарниците, да му се заблагодариме и на Чеферин и идејата за пласман на ЕП преку Лига на Нации. Во стандарден формат, никогаш, ама баш никогаш немаше да се квалификуваме на некое големо натпреварување.
Инает, атмосфера, лош ден на противник, понекогаш ќе изненадиме некоја силна селекција и тоа е тоа. За повеќе и сериозен континуитет, си треба системска работа. Од инфраструктура, описменување на тренери во сите категории, коректна домашна лига и најважно - луѓе на врвот кои всушност имаат поим за играва. А не партиски дрипци и лопужи корумпирани.
Додека не се промени ова, а нема никогаш, да си жив и здрав Чеферине за пружената шанса.