Далеку од тоа дека ја бранам Дамчевска или пак да сметам дека има некаков тренерски квалитет, само мислам дека ја преценуваш улогата на селекторите во остварените резултати на девојките. Кај нас нема некаква промена во играта во сениорска репрезентација кога ќе сменат селектор, не па во младински категории, ретко се подложни на тактички промени наши девојки и во принцип најбитно е само да не држиш на клупа или воопшто да не повикуваш во состав некоја девојка која заслужува да игра прв тим, а за in game менаџмент тешко дека селектор може да донесе некаква промена. Резултатите во принцип секогаш зависат од квалитетот на ракометарките. Не се согласувам дека постигнувале подобри резултати лани и преклани. Полска и Шпанија се во Б дивизија, со Исланд не сме играле сеуште на првенствово за да знаеме на што сме, нерешениот резултат со Шведска лани, на првенство на кое бевме домаќини, повеќе беше спортска среќа со оглед на резултатите кои ги постигнувавме во другите натпревари. Да ги изгубат сите натпревари до крај можеме да збориме за одговорност на Дамчевска, ма да и таков резултат според мене пре би бил показател за губење на чекор со развивањето во сениорски играчи на девојките отколку некоја нестручност на клупата. Според мене е добро што го тргнаа Савевски, затоа што бар нема човек што ќе има екцеси на клупа на секој натпревар, поготово онаков како што имаше со голманката (мислам Чурлиновска) лани на првенството кај нас. Дали подобар избор ќе било да го стават Грчевски место Дамчевска или пак некој друг, не знам, не спорам.Јас за инает не зборам. Девојките лани ја имаа Шведска во раце (истата Шведска прва во група А) и изиграа нерешено, притоа примија само 20 гола. Со Исланд тесна утакмица, примени 25 гола, минимален пораз на прошлото СП. Кога играа Б-дивизија, и Полска и Исланд паѓаа, а со Шпанките беше тврдо. Сега сите утакмици се решени при почеток на второ полувреме. 39 гола од Данска примија, 33 од Црна Гора - одбрана нула! Кога имаа налет против Данкињите во втор дел, можеше да уфрли 7 на 6 затоа што тоа функционираше во првото полувреме. Не кудам безвезе. Кога водеше една генерација од Б-дивизијата, дома на Кале од Бугарија изгубија и тоа со 5 разлика, башка скоро 20 разлика од Полска. Кадетското ЕП во Скопје негде 2015 беше тажно за гледање. Губеа со по 20 разлика на скоро секоја утакмица. Па и најкилав состав да имаш, на домашен терен, пред публика, нема бе толку да губат од кого ќе стигнат - со Словачка за претпоследно место само 9 разлика загубија и не примија мислам 30+ голови. Едноставно не ја бива!
За квалитет на претходни генерации во младински женски ракомет не знам многу, ужасни бевме и кај мажите едно време и сите знаеме дека имаме една дупка во извадени играчи родени прва половина на 90-ти од што беше ужасна ситуацијата таму, можам само да замислам како било во женска конкуренција во тие години. Ја памтам само онаа генерација која мислам дека е последна која настапила на првенство од А-дивизија пред овие девојки, со Нина Ладева и Керамичиева. Практично тие две беа и единствените кои ветуваа дека можат да станат вистински играчи, за на крај и двете скроз да се откажат од ракомет. Керамичиева беше некако преповлечена, како да игра ракомет само затоа што има талент, а не дека го сака, за Ладева поима немам искрено што се деси, нагло се изгуби таа девојка.
Кога сме кај талентите, У-17 првенството во август мислам дека ќе биде поинтересно за нас бидејќи таму има и три 15-годишни девојчиња кои се интернационалки од Шведска и Норвешка, од кои за две нашиве портали пренесувале дека се меѓу најталентираните во нивни генерации во тие две држави. За едната, Ема Лазаревска имате и денес статија на 24 ракомет, другата е Мила Поп Андонова за чиј брат Мишел, кој е една година постар, исто се пишуваше дека е многу талентиран и редовно учествуваат на кампови организирани од норвешката федерација кои во нивна возрасна категорија се практично и репрезентација на Норвешка. Сите три настапуваат на лев/среден бек. Плус и Ива Младеновска конечно ќе заигра во нејзина возрасна категорија.
. Или го немаат квалитетот за кој што се збори во порталите или Грчевски прави глупости (воопшто тие од РК Бутел ми се многу сомнителни ликови).
Само јас не би ја потценил Ангола. Си имаат тие традиција на женски ракомет со години. А вкрстуваме со група Г со екипи кои може да паднат во Борис! 