Можеби нема правно обврзувачко дејство, ама има погрешно наведување на сите заинтересирани страни. Тој дел не е само туку така ставен да биде обврска во известувањето. По некоја логика, треба прво да ја прикажат добивката во колоната што е Расположива за распределба, па дури откако ќе помине на Собрание да има трансфер во Ограничена. Вака прикажано наведуваат дека на Собрание одлуката ќе биде иста како што била во изминатитите години.
Со користење на постојниот образец Извештај за промена во главнината за банките, кај кој постои една колона за Задржана заработувачка и две потколони Расположива за распределба на акционерите и Ограничена за распределба на акционерите, каде и да се прикаже добивката за финансиската година (2020), постои потенцијална опасност од недоразбирања, односно ‘‘погрешно наведување на сите заинтересирани страни‘‘. Така, ако се прикаже добивката за финасиската година 2020 во Расположива за распределба на акционерите, а на идното Собрание на акционери се одлучи делумно или целосно да биде Ограничена за распределба на акционерите, тогаш се доведени во заблуда заинтересираните страни. Обратно, ако се прикаже во потколоната Ограничена за распределба на акционерите, а на Собранието на акционери се донесе одлука за делумно или целосно исплаќање како дивиденда, повторно погрешно се информирани заинтересираните страни.
Проблемот произлегува од мешањето ‘‘баби и жаби‘‘. Всушност станува збор за Задржани добивки од различен квалитет: онаа за 2019 година е врз основа на Одлука за распоредување на добивката донесена на Собранието на акционери одржано во 2020 година, а за судбината на добивката за 2020 година, допрва ќе се одлучува на Собранието на акционери кое ќе се одржи во тековната 2021 година. Во основа, според постојниот образец прикажувањето на добивката за 2020 година во која и да е од двете потколони нема никаква информативна вредност, бидејќи не прејудицира ништо, ниту пак, го обврзува Собранието да ја распореди согласно нејзината привремена локација во Извештајот за промена на главнината.
За да се избегнат потенцијални недоразбирања и ‘‘наведувања‘‘ во Извештајот за промена на главнината треба при дното под **) со болдиран текст да се даде појаснување дека за судбината на добивката за 2020 година допрва ќе се одлучува на Собрание на акционери, дека од технички причини таа е прикажана како задржана добивка во една од двете потколони и дека тоа не треба да се сфаќа како предлог-одлука за следното Собрание на акционери.