МЗТ СКОПЈЕ - ФЕРШПЕД РАБОТНИЧКИ 71:67
МЗТ СКОПЈЕ - ФЕРШПЕД РАБОТНИЧКИ 71:67
(12-20; 23-10; 14-20; 20-17)
Сала " Јане Сандански". Гледачи: 2.000. Судии: Златевски, Денковски, Николовски. Делегат: Пиперков - сите од Скопје
МЗТСкопје и Фершпед Работнички испишаа уште една убава страница од книгата наречена "вечно дерби на македонската кошарка".
Овој пат, во извореден амбиент во " Јане Сандански", каде се собраа повеќе од 2.000 фанови на мак-баскетот, страницата беше обоена во сино-бела боја, онаа на МЗТ Скопје.
По голема борба до последните секунди, што се вели "на пенали", МЗТ Скопје го совлада Фершпед Работнички (71:67). Ги имаа "металците" во своите редови смирените Петровски и пред с$ капитенот Гаштарски во пенал-завршницата, доволно за голема победа и приближување до големиот ривал на чекор до првото место на табелата.
Малку ветувачки за нив беа оние 3-15 некаде во 8. минута од натпреварот. Одлично го отворија гостите вечното дерби, посебно новото лице во нивната екипа Владимир Поповиќ (девет поени во почетниот период од играта). Од друга страна "металците" влегоа некако збунети, веројатно импресионирани од важноста, но и амбиентот која оамна го немало на нашите паркети.
Но како многу пати досега во овие натпревари, МЗТ Скопје не "падна". Напротив, кога Фершпед Работнички малку подзастана, домаќинот почна да се враќа во игра. По неверојатната тројка на младиот Караколев од центарот и со звукот на сирената, МЗТ Скопје дојде и до педност (35:30) по половина од средбата.
Тоа беше убава најава за подобро второ полувреме, во кое и двете екипи имаа свои моменти. Тони Симиќ, покрај Поповиќ, можеби и единствениот кој може да добие преодна оценка кај шампионот, беше играчот кој го врати составот на "шпедитерите". На себе својствен начин, со две врзани тројки во 27. минута донесе изедначување (45:45) и најави уште поголема драматика. "Металците" кои имаа проблеми во шутот, тактиката ја "префрлија" на Талевски. "Златното момче" од " Јане Сандански" беше играчот кој го држеше "сино белиот" брод во "мирни води". Кога требаше, погодуваше, скокаше и тоа под двата коша, секако најзаслужен што МЗТ Скопје ја пробиваше одбраната на противникот кој имаше минимални (50:49) на истекот од третиот период.
Можеби гостите успеаа во обидот да го сопрат Јане Петровски. Младиот бек беше "активен" но само во поле. Но затоа лидерот немаше вистински решенија во нападот, особено ако се знае дека Тасовски "пукаше" со "ќорци" и тоа се до 39 минута, кога поради пет лични грешки седна на клупата со само два поени. Недоволно подготвениот Јовановски, не влезе во ритам, истото важи и за Стојановски, па и Веселиновски, кој како по обичај повеќе внимание посвети на дефанзивата.
МЗТ Скопје повторно беше екипата која се одлепи, не на многу високи (55:50), што беше и најголемата предност до крајот.
Сепак, решението за победникот падна во последните 74 секунди во кои се влезе со минималец за домашната екипа (59:58). Во нив, во центарот на вниманието Димче Гаштарски. Го преценија противниците искусниот бек на МЗТ Скопје кога решија врз него да прават "брзи лични грешки". Погоди "десетката" на "металците" во финалните секунди секогаш кога требаше да држи "дистанца". Тројката на Ѓуров на неполни 7. секунди за 67:66 донесе кулминација. "Врати" Талевски со двата "пенали", а по половичниот ефект од истото место на Стојановски, пресудата, повторно од линијата за слободни фрлања ја донесе Петровски доволна за голема радост и "бис" во " Јане Сандански", секако во чест на победникот.
, не знаеја кај терат скопјани. Тренеро попи исклучување, летна втрибини, ама судите после со страв и со почит некако ми свиреја. Незнам шо да речам многу јаки сме на домашен терен.
